Post Malone pretendon se ka parë disa ‘UFO’

19:57 | 3 Gusht 2020
Arbresh Info

Post Malone ka pohuar se ka parë disa herë ‘UFO’ gjatë viteve të fundit.

Krijuesi i hitit ‘Circles’ kujtoi herën e parë kur gjoja kishte parë një fenomen ajror të pashpjegueshëm në Nju Jork, kur ishte 16 vjeç, gjatë një interviste katër orësh në ‘Joe Rogan Experience’, shkruan Roanoke.

“Kam parë një UFO. Kam qenë gati 16 vjeç. Isha në New York dhe e shihja që qëndronte në qiell. Tezja dhe xhaxhi im ishin shumë strikt dhe ne duhej të shtriheshim në shtrat në një orar të caktuar, me shumë siguri në orën 10 të darkës. Po shihja jashtë dritares me kushëririn tim dhe ishte një dritë që qëndronte në qiell dhe pastaj fikej. Nuk mundem ta shpjegoj”, u shpreh Post Malone gjatë intervistës.

Rogan e pyeti se sa e fortë ishte kujtesa e tij për këtë ngjarje dhe ai u përgjigj:

“Mesatare, por jam i bindur se atje kishte diçka.”

Ai shtoi se kjo gjë i ka ndodhur dhe shumë herë tjera pas atij viti, në vende të ndryshme.

 

Shpërndaje në rrjete sociale

Lajmet më të lexuara

Të ngjashme

Foto lajm