Google ADS

Policia thotë se ka gjetur ‘çrregullim total’ në dhomën e hotelit të Liam Payne

21:27 | 17 Tetor 2024
E.H

Policia e Buenos Aires ka thënë se ka kontrolluar dhomën e hotelit të Liam Payne dhe ka gjetur alkool, si dhe ilaçe si klonazepam.

Klonazepam është një benzodiazepinë që përdoret për të kontrolluar epilepsinë, spazmat e pavullnetshme të muskujve ose çrregullimet e panikut.

Ata përshkruan “çrregullim total” në dhomë me gjëra të ndryshme të thyera dhe medikamente të shpërndara përreth, shkruan SkyNews.


Policia tha gjithashtu se mori gjurmë gishtash dhe prova të tjera nga dhoma e Payne për t’u analizuar.

Uiski, një çakmak dhe një celular u gjetën në të njëjtin vend me trupin e Payne.


Ata më herët thanë se ishin thirrur për raportime për një burrë agresiv që mund të ishte nën ndikimin e drogës ose alkoolit.

Imazhet tronditëse dyshohet se tregojnë drogë dhe pije në dhomën e thyer të hotelit të Liam Payne pasi ai ra për vdekje nga ballkoni, ndërsa policia po kërkon për tregtarin e tij, sipas raporteve lokale./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm