Adhuruesit e muzikës së këngëtares së njohur nga Shqipëria, Enca Haxhiu, mëngjesin e sotëm janë zgjuar me një lajm ndryshe nga ç’janë mësuar.

Ajo është arrestuar nga Policia e Tiranës, pasi ka kultivuar kanabis në ballkonin e banesës së saj.

Siç thuhet në njoftimin e Policisë së Shtetit, në goditjen e veprimtarisë kriminale të kultivimit të bimëve narkotike ka finalizuar operacionin policor i koduar “Balcony”, shkruan Arbresh.info

Këngëtarja e njohur kishte kultivuar bimë narkotike në vazo, në ballkonin e banesës së saj.

Policia e shtetit ka publikuar pamjet e banesës së Encës ku kultivonte bimët e kanabisit.

Ajo ndodhet në arrest, për shkak se në verandën e banesës së saj u gjetën pesë vazo, të cilat ishin kultivim i lëndëve narkotike.

Në një shkrim të publikuar në rrjetin social Facebook, Policia e Shtetit konfirmoi arrestimin e këngëtares duke publikuar edhe pamjet e ballkonit ku po kultivohej kanabisi.

Njoftimi i policisë:

“Finalizohet operacioni policor i koduar “Balcony”, për goditjen e veprimtarisë kriminale të kultivimit të bimëve narkotike.

Kishte kultivuar bimë narkotike, në vazo, në ballkonin e banesës së saj, vihet në pranga 27-vjeçarja.

Sekuestrohen bimët narkotike.

Shërbimet e Komisariatit të Policisë Nr. 1, në vijim të punës për goditjen e paligjshmërisë, pas informacioneve të siguruara nga inteligjenca policore, se një shtetase kishte kultivuar bimë narkotike,
në ballkonin e banesës së saj, kanë organizuar dhe finalizuar operacionin policor të koduar “Balcony”.

Si rezultat i këtij operacioni u vu në pranga shtetasja R. H., 27 vjeçe, banuese në Lundër.

Gjatë kontrollit në banesën e 27-vjeçares, në ballkon, shërbimet e Policisë gjetën dhe sekuestruan në cilësinë e provës materiale, bimë të dyshuara narkotike kanabis, të kultivuara në vazo.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, shkruhet në njoftim./Arbresh.info/

lexo edhe:

Kultivoi kanabis në banesën e saj, vihet në pranga këngëtarja e njohur Enca