Edhe pse është shumë i suksesshëm si model dhe si aktor, më së shumti vëmendje tërheq jeta personale e Burak Ozcivit.

Aktori i famshëm turk për shkak të dukjes, lartësisë, fytyrës së bukur dhe trupit të definuar, me shumë lehtësi hyri në botën e modelingut.

Ozcivit ka qenë i suksesshëm në modelizëm, por preferoi aktrimin

Ai zuri vendin e parë në garën “Best Model of Turkey” dhe vendin e dytë në “Best Model of the World”. Megjithatë, ai gjithmonë ka dashur të merret me aktrim, prandaj vendosi që shkollimin të bëjë në atë drejtim.

Karrierën në aktrim e nisi me serialin “Eksi 18”, ndërsa pastaj u paraqit në disa seriale dhe luajti edhe në filma.

Popullaritetin më të madh e arriti me pjesëmarrjen në serialin për sulltan Sulejmanin, “Muhtesem Yuzyil”, për të pasuar me rolin kryesor shumë të suksesshëm në serinë televizive “Kara Sevda”. Lidhja me Ceylan Çapa dukej serioze

Krahas sukseseve në karrierë, vëmendjen kryesore e ka tërhequr jeta private e aktorit. Gjatë lidhjes me manekinen Ceylan Çapa, të gjithë mendonin se ditët e tij si beqar ishin të numëruara. Megjithatë, për shkak të xhelozisë së bukuroshes turke, lidhja e tyre u bë turbulente dhe në vend të martesës, përfundoi me ndarje. Ai është i martuar me Fahriye Evcen

Prej disa vitesh, Burak është në lidhje të qëndrueshme me kolegen Fahriye Evcen, me të cilën është i fejuar. Burak ka qenë në lidhje edhe në jetën reale me ‘Nihanin’

Ndërsa pakkush e di se në serialin “Kara Sevda” luan krahas ish të dashurës së tij, Neslihan Atagul. Edhe pas ndarjes, ata dy i ruajtën raportet e mira, ndërsa nuk e kanë pasur të vështirë që para kamerave ta luanin rolin e të dashuruarve. ‘Nihani’ në vitin e kaluar u martua me kolegun Kadir Dogulu, ndërsa Ozcivit nuk mori pjesë në dasmën e saj.