Ndërkohë që jemi në javët e fundit të mbylljes së sezonit edhe për disa televizione, tashmë zbulohen edhe formatet e para që do të jenë në ekran sezonin e ardhshëm 2017-2018.
Një prej tyre është edhe një format tepër i ndjekur dhe mjaft i njohur për publikun shqiptar i cili pas një viti mungesë do të kthehet sërish në ekran.
E ndërsa mendohej fillimisht që nuk do të ishte më i pranishëm në televizionet Shqiptare, InfoMedia Albania ka shkruar se formati i gatimit MasterChef do të rikthehet sezonin e ardhshëm me edicionin e katërt. Tashmë nuk do të jetë Top Channel ai që do të transmetojë patentën e Endemol Shine, por një tjetër televizion i cili mbetet për t’u zbuluar.
Edhe pse asgjë nuk është e konfirmuar dhe zyrtare, një mundësi tepër e madhe është që MasterChef 4 të transmetohet nën logon e RadioTelevizionit Shqiptar. Kjo për shkak se producenti i këtij formati gjatë sezoneve të kaluara në Top Channel, Rezart Aga tashmë është transferuar prej muajsh si Drejtor i Programacionit në RTSH dhe bashkë me të edhe kryeredaktorja e edicioneve të mëparëshme të spektaklit Melsi Qirici.
Një gjë është e sigurt MasterChef do të rikthet sezonin e ardhshëm dhe të gjithë do të argëtohen para ekranit përmes artit të gatimit!
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite