“Një këngë për Puerto Rico”: Yjet e muzikës bëhen bashkë

00:25 | 7 Tetor 2017
Trina Galanxhi

Yjet e muzikës janë bashkuar në një këngë, që ka si qëllim të mbledhë ndihma për ishullin e shkatërruar nga uragani “Maria”, Porto Riko.
“Almost Like Praying” është shkruar nga Lin-Manuel Miranda, e pjesë e saj janë Gloria Estefan, Rita Moreno, Jennifer Lopez dhe Marc Anthony.

Uragani “Maria” shkatërroi Porto Rikon me erëra të fuqishme dhe shira të rrëmbyeshëm, e pjesa më e madhe e ishullit vijon të mbetet pa energji elektrike. Në lirikën e këngës përmenden të 78 qytetet e ishullit, e siç thotë Miranda, “nëse ne e kemi bërë mirë punën tonë, ata nuk do të harrohen kurrë më”.

“Almost Like Praying” përzien lirikën në spanjisht dhe anglisht dhe merr elemente intonative nga kënga “Maria” e “West Side Story”. Të gjitha të ardhurat që do të mblidhen nga kënga do t’i shkojnë një fondi për Porto Rikon.

Shpërndaje në rrjete sociale

Lajmet më të lexuara

Të ngjashme

Foto lajm