Ndërpritet koncerti i Lil Wayne, dyshohet për gjuajtje me armë

10:06 | 9 Tetor 2018
A. B.

Koncerti i Lil Wayne në Festivalin A3C në Atlanta u ndërpre, pasiqë dikush nga publiku ka thënë se ka dëgjuar gjuajtje me armë.

Kjo gjë ka nxitur panik te të pranishmit, të cilët janë përpjekur që të largohen nga hapësira ku është mbajtur koncerti, shkruan ‘The Guardian’.

Në njoftimin e policisë së Atlantas thuhet se nuk është gjetur asnjë armë në vendin e ngjarjes.

“Ende po mbledhim informacione për të përcaktuar saktësisht se çfarë ndodhi dhe do të japim informata sapo të dimë më shumë detaje. Ju lutemi të jeni të sigurtë se oficerët e zbatimit të ligjit kanë konfirmuar se nuk ka pasur armë”, thuhet në deklaratën e organizatorëve të koncertit.

Lil Wayne, koncerti i të cilit u ndërpre kah fundi, ka thënë se shpreson që të gjithë janë në gjendje të mirë shëndetësore.

Shpërndaje në rrjete sociale

Lajmet më të lexuara

Të ngjashme

Foto lajm