Google ADS

Martohet djali i Beckhamit, kjo është shuma marramendëse e dasmës

12:51 | 11 Prill 2022
A. B.

Në familjen Beckham mbrëmë pati festë.

I biri i legjendës angleze të futbollit, David Beckham, Brooklyn, është martuar me aktoren Nicola Peltz.

Sipas raportimeve të mediave britanike, kjo dasmë familjes Beckham i ka kushtuar hiç më pak se 4,1 milionë euro.

Ceremonia martesore është mbajtur Florida të Shteteve të Bashkuara të Amerikës.

23 vjeçari e ka shpërndarë vetëm sot fotografinë e parë të dasmës në Instagram, pasi ata i shkëmbyen bekimet në shtëpinë luksoze në vlerë prej 121 milionë eurosh të babait të nuses 27 vjeçare në Palm Beach në Florida.

“Mr. & Mrs. Peltz Beckham”, ka shkruar i biri i ish-futbollistit anglez Peltz shihet me vello.

“Gruaja ime e bukur”, ka shkruar ai në një tjetër postim.

Raportohet se David Beckham ka qarë teksa e mbante një fjalim të përzemërt për pesë minuta në dasmë dhe u ndal për të marrë frymë thellë, ndërsa trashëgimtaren miliarda dollarëshe e konsideroi si të jashtëzakonshme.

“Ne të duam shumë. Jemi të ngazëllyer që do të jesh pjesë e familjes sonë”, ka thënë ndër të tjera ish-futbollisti i Manchester United, Real Madrid, Milan dhe Los Angeles Galaxy.

Brooklyn është djali më i madh i David dhe Victoria Beckham.

E Nicola Peltz njihet si aktore e filmit Transformer, ndërsa çifti ishte i lidhur qe dy vjet.

Ajo është e bija e biznesmenit miliarder amerikan dhe investitorit Nelson Peltz dhe e ish-modeles, Claudia Heffner Peltz.

E veçanta e dasmës ishte se krejt dasmorët i kanë lënë telefonat qysh në hyrje të vendit ku u mbajt eventi, për ta shijuar çdo moment.

Shpërndaje në rrjete sociale

Lajmet më të lexuara

Të ngjashme

Foto lajm