Marget po rritet dita ditës dhe ka nisur t’i sjellë “problemet” e para Marina Vjollcës

15:19 | 8 Korrik 2022
Fjolla Bajraktari

Marget, vajza e moderatores Marina Vjollca dhe Getoar Selimit po rritet dita ditës dhe tanimë kanë nisur t’i dalin dhe dhëmbët e parë. Së fundmi, moderatorja ka treguar përmes një fotoje se po e “vuan” shumë këtë pjesë pasi Marget e ka kafshuar në krahë.

“Ja çfarë i bën Marget mamës. Na kanë dalë kicat shumë shpejt.”, ka shkruar moderatorja krahas fotos. Kujtojmë që moderatorja solli në jetë Margetin nëntorin e kaluar. Në një intervistë që dha pak javë më parë, moderatorja foli për ndjesinë si mama.

“Jam nga ato mama që tentoj mos të kem një ndihmë, pra dua që Marget ta mbaj vetë, ta rris vetë. E di që është pak e vështirë për t’ja dalë…Nga njëra anë është ndjesia më e bukur që jam bërë nënë dhe nga ana tjetër është përgjegjësia më sublime që Zoti më ka falur.”, tha ajo. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm