Ka filluar konferenca për media e reperes së njohur shqiptare, Loredana Zefi e cila është e akuzuar për mashtrim dhe zhvatje të parave të një çifti zviceran.

Duke folur për rastin, ajo ka thënë se në Prishtinë ka ardhur për të incizuar një videoklip, shkruan portali arbresh.info.

Madje ka thënë se asnjë para nuk është marrë me dhunë ose me kërcënim të gjitha janë marrë me vullnetm të palës së kundërt.

“Jam këtu për me xhiru një spot, ky spot është planifiku me u xhiru më herët. Në bazë të mediave që kam lexu, muj me thanë që do sene janë ndryshe. Për mu cka është me rëndësi me ditë ju është se prej asnjë personi s’janë marrë paret me dhunë, mashtrime ose kërcënime. Këto pare janë marrë me vullnet”, ka thënë ajo.

Ajo ka sqaruar se rasti ka nisur më 2016-tën, dhe se ajo nuk ka qenë e involvuar.

“E dyta: Ky sen ka filluar në 2016-tën ku unë nuk kam qenë e involvuar dhe nuk kam ditë asgjë për këtë rast. Më kanë tregu që në 2018 tën është mundësia me e mbyll këtë rast, unë nuk e di pse nuk është mbyll ky rast. Unë në 2018-tën kam qenë në gjendje me i ndihmu. Nuk më intereson media, as muzika as asgjë kur është në pyetje familja jem”, ka shtuar ajo.

Këngëtarja ka kritikuar edhe mediat për qasjen ndaj këtij rasti.

“Unë jam e kënaqur dhe gjithmonë do të jem loyale ndaj familjes time. Unë si person nuk e di se si veproni me familjen tuaj, mirëpo unë jam rrit në një familje të vogël. Baba jem na ka mësu se kurgjo nuk është më e shtrenjtë familja”, ka thënë tutje ajo.

“Besoni dhe mendoni se nuk janë këto gjëra të vërteta mirëpo rasti do të sqarohet dhe ma merr mendja se pak si shumë fjalë do të ndryshojnë”, ka shtuar ajo.

Në fund, ajo ka pranuar se ka dhënë deklaratë në Polici, mirëpo se nuk ka qenë e mbyllur dhe prapë është kthyer në shtëpi tek vajza dhe burri i saj. /arbresh.info/

VIDEO:

https://www.facebook.com/arbresh.info/videos/1087368804807455/