Libani ndalon filmin e Spielberg

22:38 | 15 Janar 2018
Trina Galanxhi

Autoritetet libaneze kanë ndaluar filmin e fundit të Steven Spielbergut, trilerin politik “The Post” dramën australiane “Jungle” për të bojkotuar në këtë formë Izraelin.

Për “AFP” një zyrtar i autoritetit të Sigurimit të Përgjithshëm të Libanit, në kushte anonimiteti ka deklaruar për ndalimin e këtyre dy filmave, transmeton portali arbresh.info

Sipas tij, Spileberg është në listën e zezë të Lidhjes Arabe.

Arsyeja që nxiti ndalimin e filmave të regjisorit të njohur është se Spielberg gjatë vitit 2006, kur Izraeli ishte në luftë me Libanin dhuroi rreth 1 milionë dollarë për Izraelin.

Teknikisht të dy vendet ende janë në gjendje lufte.

Ndërkohë që Libani përgjithësisht konsiderohet si vendi më liberal i vendeve arabe, herë pas here ndalon përmbajtjen e konsideruar imorale, nxitëse apo mbështetëse për Izraelin./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm