Një njeri me fizik jo shumë të pëlqyer në dukje 100 kg i njohur për disa filma të sukseshëm arriti të kapë disa nga femrat më të famshme dhe më të bukura të botës si Angelina Jolie, Gwyneth Paltrow, Lucia Evans por jo nga merita e tij.
Harvey Weinstein producenti që shkaktoi skandal të përmasave të mëdha në të gjithë Amerikën ku u morën vesh ngacmimet seksuale dhe përdhunimet e shumë aktoreve dhe punonjësve të kompanisë që menaxhon.
Mbi të u hodhën akuza të forta që krijuan debate, por njëkohësisht dhe bashkim të shumë të famshmëve kundra tij.
Jodi Kantori dhe Megan Twohey morën guximin të zbulonin një anë tjetër të producentit, atë të një manjaku seksual.
Të dyja sëbashku publikuan një shkrim në “The New York Times” ku kishin si qëllim t’i tregonin botës se Weinstein në 3 dekadat e fundit kishte përdorur të gjitha femrat sipas dëshirës së tij.
Pas 5 ditësh më 10 Tetor Ronan Farrow, raportoi për të njëjtën gazetë që producenti ka shfrytëzuar mbi 13 femra dhe 3 prej tyre i ka përdhunuar.
Por kush është Harvey Weinstein?
Fituesi i çmimit Oscar dhe producenti ekskluziv i cili “fshihet” pas disa filmave të suksesshëm si, Django Unchained, Pulp Fiction, Silver Linings Playbook and the Spy Kids. Weinstein në baskëpunim me vëllain e tij, Bob, gjatë viteve 70’ ndërtuan studion e famshme Mirmax (1979).
Miramx nuk qe një emër çfarëdo, por ishte bashkimi i emrave të prindërve të tyre Miriam dhe Maz.
Përmes kësaj studio ata krijuan disa filma të pvarur si Pulp Fiction, Clerks, The Crying Game, gjithashtu dhe Sex, Lies, and Videotape.
Por më vonë gjatë vitit 1993 studioja iu shit “Disney” dhe pas një periudhe 22-vjeçare ata krijuan “The Weinstein Company”.
Kush ishin femrat që deklaruan pro dhe kundra Harvey Weinstein?
Në një deklaratë të publikuar fillimisht në “Huffington Post”, Meryl Streep u shpreh e tronditur nga lajmi i turpshëm, siç e cilësoi. Aktorja vlerësoi ato gra që ngrenë zërin për zbulimin e abuzimeve dhe i cilësoi heroina.
Në ceremoninë e vitit 2012 të “Golden Globes” e cilësoi “Zot” producentin, ndërsa tani, pas akuzave kundër tij, e shikon si një abuzim të neveritshëm e të pafalshëm pushteti.
Judi Dench publikoi një deklaratë ku tha se nuk dinte asgjë lidhur me pretendimet e tmerrshme. Qëndrime të ngjashme kishin edhe Ema Thomson, Mark Ruffalo e Seth Rogen.
Aktorja 44-vjeçare, Rose McGowan, një ndër akuzueseve që ka dalë hapur, ndryshoi foton e saj të profilit në “Twitter”, duke vënë një kur ishte e re dhe shkroi: “Kjo vajzë ka qenë viktimë e një përbindëshi. Kjo është vajza që e mbuluar me turp me heshtjen tuaj”.
Producentja Elizabeth Karlsen tregoi se kur ka punuar me Weinstein, rreth 30 vjet më parë, një rast e ka gjetur nudo në krevat. Ndërsa gazetarja Lauren Sivan tregoi se rreth 10 vjet më parë Weinstein arriti deri aty sa u masturbua para saj.
Shkrimtarja Liza Campbell tregoi se në të shkuarën Weinstein ishte munduar ta bindte të laheshin bashkë.
Michael Keaton e konsideroi producentin “të neveritshëm dhe të tmerrshëm”. Ndërsa Lena Dunham sulmoi kompaninë e tij, duke pretenduar se të gjithë kanë ditur gjithçka.
Mes atyre që nuk është çuditur fare nga kjo histori është presidenti amerikan Trump, i cili shkroi: “E njoh Weinstein prej kohësh dhe nuk habitem aspak”.
I akuzuar për ngacmime seksuale, producenti i shumë filmave të suksesshëm u shkarkua nga vetë bordi i kompanisë së tij pas një raporti të “New York Times”, që pretendonte se gjatë 30 viteve ai ka ngacmuar seksualisht gra të ndryshme që punonin për të. Mes tyre janë Ashley Judd dhe Rose McGowan, të cilat ishin të parat që drejtuan gishtin kundër tij.
Ndërkohë që shpërthimi i skandalit të Harvey Weinstein po prek edhe meshkuj të tjerë në Hollivud. Disa përdorues të Twitterit kërkojnë që Ben Affleck të mos e interpretojë më Batmanin dhe kjo vetëm një muaj përpara debutimit të “Ligës së drejtësisë”.
Arsyeja janë lidhjet e tij me manjatin e turpëruar hollivudian, por edhe akuzat se dhe vetë aktori i pashëm ka pjesën e vet të ngacmimeve. Ben kërkoi ndjesë për faktin që në 2003-shin i ka prekur gjoksin një kolegeje, Hilarie Burton, një incident ky i regjistruar në kamera.
Ama ky nuk është episodi i vetëm për të cilin akuzohet. Edhe artisja e makeup-it Annamarie Tendler foli për sjelljen e pahijshme të Affleck ndaj saj në festën e Golden Globe në 2014-tën. Matt Damon dhe Russel Crow gjithashtu thuhet të kenë mbuluar bëmat e producentit, ndërsa Brad Pitt kritikohet që nuk e denoncoi veprimin e tij, kur mori vesh se i kishte ngacmuar të fejuarën e atëhershme, Guineth Paltrow.
Affleck u tërhoq në vorbullën e akuzave të rënda ndaj Ëeinstein pasi aktorja dhe aktivistja Rose McGowan deklaroi se ai po gënjente kur thoshte se nuk kishte qenë në dijeni të veprimeve të manjatit të filmit. Ishte pikërisht 65-vjeçari ai që ndihmoi të niste karriera e aktorit në 1997 më filmin “Good Will Hunting”.
Weinstein tani përballet jo vetëm me shkatërrimin e karrierës së vet, shembjen e martesës dhe valën e indinjatës që shtohet dita-ditës, por edhe me hetimet e çelura prej policisë amerikane e asaj britanike për agresion seksual, të lidhura me një episod që daton që në vitet 1980 e të tjera në 2004-tën.
Ato që ranë pre e ngacmimeve seksuale nga poducenti Harvey Weinstein janë femrat e renditura më poshtë.
Të korra me inteligjencë artificiale, teknologjia e re që po...
Kryediplomati i ardhshëm amerikan, Marco Rubio dhe politika ...
Albin Kurti takon Lorik Canën: Vlerësuam rëndësinë e masiviz...
Arrestohet shqiptarja në Londër, mori pjesë në protestat pro...
Supergol nga Granit Xhaka, vulos fitoren e Leverkusen
Zbulohet data e fillimit të edicionit të katërt të “BBVA”
Skip to content
