E konsumojnë fare hapur sepse nuk kanë komplekse, nuk i druhen drejtësisë ose disa nuk e konsiderojnë fare si lëndë narkotike.

Shumë artistë shqiptarë i kanë kënduar hashashit e kanë publikuar plot foto e video nën efektin e tyre.

Këngëtarët fshihen pas justifikimit që i ndihmon të frymëzohen për të krijuar muzikë e për të shkruar tekste. Por cilët janë konsumatorët më të hapur?

A quhesh reper nëse nuk tymos hashash?

Pothuajse të gjithë i kemi parë nën efektin e saj dhe i kemi dëgjuar edhe këngët që i kanë dedikuar.

Stresi, Noizy, Ledri Vula, Lyrical Son, Mc Kresha , Buta, janë vetëm disa nga emrat që i kanë kënduar barit.

Ky i fundit shihet edhe në një nga klipet e tij duke tymosur.

Por prisni, sigurisht që edhe vajzat tymosin bar.

Nuk besoj se e keni harruar këngën e Encës, “Ciao”, që e nis tekstin pikërisht me fjalët “Sa po du me pi, dridhe njo e po pim bari”. Një artiste e re në treg, Tayna, u bë e famshme pikërisht se që në këngën e parë i këndoi seksit dhe lëndëve narkotike.

Ndonëse thuhet se nuk konsumon më, këngëtarja me famë botërore tashmë, Era Istrefi, e ka pranuar dhe i ka kënduar barit në këngën që e bëri të famshme ndërkombëtarisht, Bonbon.

Reperi Cozman e ngre konsumin në një nivel tjetër, duke u arrestuar edhe për posedimin e lëndëve narkotike rreth tre vite më parë.

Anxhelina Hadërgjonaj gjithashtu tymos, por rrallë. Këtë e ka pranuar duke publikuar foto ku shihet me cigaren e hashashit në dorë. “Në Los Angelos është e ligjshme. Nuk më pëlqen Cannabis Indica sepse të qetëson shumë, Sativa të bën më shumë energjike”, është shprehur Anxhelina në “Xing me Ermalin” pak kohë më parë.
Edhe kushërira e saj, Beatrix ka pranuar se pi hashash dhe ka postuar foto duke tymosur. “Unë vdes për hashash”, është kjo deklarata që i habiti të gjithë pak kohë më parë. Këngëtarja ka treguar se e ka provuar në Hollandë për herë të parë.

Ndërsa Einxhel Shkira provoi të tymoste bar pak kohë më parë kur kishte ditëlindjen, por në një intervistë u shpreh se nuk i ka pëlqyer. “Nami të bëhej do ta provoja dhe barin. Bari ishte një formë rebelimi ndaj njerëzve, ndaj moshës dhe sigurisht dëshira për eksperienca të privuara vetes. E shijova jashtë mase shumë, dhe do të doja që njerëzit të kishin më shumë informacion për këtë lloj bime, jo që ta pinë, se as unë vetë s’jam konsumatore, por që të lënë rehat të tjerët ta shijojnë, nëse kjo është zgjedhja tyre”, u shpreh Einxhel.

Dhe e fundit në listë është Luana. Disa kohë më parë bëri xhiron e rrjeteve sociale një foto e saj duke tymosur bar ndërsa Luana shkruante se thjesht po e provonte. Siç duket as asaj nuk i ka pëlqyer pasi nuk e kemi parë më ta konsumojë.