Këta janë artistët që kalojnë në natën finale të Këngës Magjike

14:31 | 8 Dhjetor 2018
A. B.

Sonte (e shtunë) në pallatin e Kongreseve, në Tiran, do të mbahet nata finale e festivalit “Kënga Magjike 2018”.

Kjo natë njëherësh shënon përmbylljen e edicionit të 20-të të këtij festivali.

Emra të shumtë pjesëmarrës pati edhe këtë vit, të cilët sollën këngë të ndryshme, të cilat u pritën mirë nga publiku.

Dy netët gjysmëfinale të mbajtur më 5 dhe 6 dhjetor sollën performancat live të artistëve, disa prej të cilëve tashmë janë kualifikuar për në natën e sotme.

Është bërë e ditur se në skenën e festivalit sonte do të ngjiten 20 artistë, të cilët do të shpërblehen me çmime.

Disa nga artistët e konfirmuar tashmë që kanë prekur finalen janë: Rozana Radi, Flori Mumajesi, Erik Lloshi, MC Kresha dhe Fifi, Ronela Hajati, Artiola Toska dhe Bruno, Kejsi Tola e Klajdi Haruno.

Për çmimin e parë të festivalit kanë votuar vet artistët, dhe rezultati final do të bëhet i ditur në fund të mbrëmjes.

Shpërndaje në rrjete sociale

Lajmet më të lexuara

Të ngjashme

Foto lajm