Kanye West vendos foton e ish-vjehrrës në profilin e tij në Instagram

09:32 | 29 Shtator 2022
A. B.

Reperi i njohur, Kanye West postoi në profilin e tij në Instagram një fotografi të ish-vjehrrës Kris Jenner.

45-vjeçari tregoi përmes Instagram Story qëllimin e tij pas postimit, duke thënë se është bërë për qëllime të mira.

“E postova Krisin me qëllime të mira për paqe dhe respekt, le ta ndryshojmë narrativin”, ka shkruar West.

Reperi ka pasur njëfarë acarimi në të kaluarën me Jenner, duke përdorur rrjetet sociale për të transmetuar ankesat e tij me 66-vjeçaren e cila është nëna e ish-bashkëshortes së tij Kim Kardashian.

Në fillim të këtij muaji, ai tha se ndjeu se Jenner kishte detyruar dy nga vajzat e saj, Kim dhe Kylie Jenner, kur ishin 25 vjeç, të pozonin për Playboy.

Kujtojmë se, West e krahasoi Jenner me liderin e Koresë së Veriut Kim Jongun në një postim në korrik 2020 në Twitter./arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm