Ish – e dashura e përkrah Robert Pattinsonin në rolin e ri si Batman: Ai është personi i vetëm që mund të luajë atë pjesë

15:53 | 9 Shtator 2019
Arbresh Info

Muaj më parë, kompania Warner Bros ka konfirmuar se në filmin e ardhshëm “The Batman”, rolin e Bruce Wayne do ta luajë Robert Pattinson.

Me këtë rast, një përkrahje për këtë e ka dhënë edhe ish-e dashura e Robert Pattinson, Kristen Stewart.

Në ‘Festivalin Ndërkombëtar të Filmit në Toronto 2019’ të shtunën, ku ajo po promovonte filmin e saj të ri “Seberg”, Stewart, 29 vjeçe, ndau emocionin e saj për rolin e ri të ish-partnerit të saj në “Twilight”, si Batman.

Robert Pattinson dhe Kristen Stewart (Foto: Ian Gavan/Getty Images)

“Ndihem sikur ai është djali i vetëm që mund të luajë atë pjesë”, i tha ajo Variety në festival. “Jam shumë e lumtur për të. Është çmenduri. Jam shumë, shumë e lumtur për këtë”.

Çifti i “Twilight” filluan takimet që kur luanin së bashku në film në vitin 2008, dhe qëndruan pranë njëri-tjetrit edhe gjatë filmave vijues të ekskluzivitetit.

Ndërkaq tani, Kristen është duke e shijuar romancën e re me modelen Stella Maxwell. /Telegrafi/

Robert Pattinson (Foto: Stefanie Keenan/Getty Images for Perrier-Jouët and Absolut Elyx)

 

Shpërndaje në rrjete sociale

Lajmet më të lexuara

Të ngjashme

Foto lajm