Duka dhe Dukesha e Sussex do të vizitojnë Mbretërinë e Bashkuar muajin e ardhshëm, ku është bërë e ditur se vizita do të jetë për arsye bamirësie.

Ata do të marrin pjesë në Samitin One Young World në Mançester më 5 shtator, i cili mbledh së bashku liderë të rinj nga më shumë se 190 vende. Gjatë vizitës Princi Harry dhe Meghan do të jenë gjithashtu në një event për Lojërat Invictus në Gjermani.

Hera e fundit që çifti ishte në Britaninë e Madhe ishte për festimet e Jubileut të Platinumit në qershor, transmeton TCh.

Familja Sussexes, të cilët u larguan si anëtarë të familjes mbretërore në janar 2020, jetojnë në Kaliforni. Ata ishin shumë pak të pranishëm gjatë festimeve për Jubileun e Platinumit – duke parë paradën e Trooping the Color në Londër nga një dritare dhe duke mos marrë pjesë në procesionin e karrocave.

Një zëdhënës i çiftit tha se ata janë shumë të kënaqur që po vizitojnë Mbretërinë e Bashkuar.

Dukesha, e cila do të mbajë një fjalim kryesor në ceremoninë e hapjes, është një këshilltare për One Young World, ndër të tjera duke përfshirë Jamie Oliver, Sir Richard Branson dhe Justin Trudeau.