Google ADS

Gjendet e vdekur ylli televiziv britanik, Caroline Flack

22:15 | 15 Shkurt 2020
Arditë Shkodra

Caroline Flack është gjetur e vdekur në banesën e saj në Londër. Ajo ishte 40 vjeçare. Lajmi vjen pas problemeve që kishte pasur me të dashurin e saj, i cili e ka akuzuar për sulm fizik.

Prezantueses i ishte ndaluar kontakti me të dashurin Lewis Burton, pasi në muajin dhjetor ishte ngritur padi se e ka sulmuar.

 Ajo duhej të paraqitej në gjykatë më 4 mars për t’u përballur me këto akuza, transmeton Daily Mail.

Të enjten, Caroline kishte thënë se do ta thyente heshtjen dhe do të fliste lidhur me problemet në jetën e saj private, ndërkohë që ishte në pritje të gjykimit.

“Do të flas sot… jeta ime dhe e familjes time nuk është më për argëtim apo thashetheme”, kishte shkruar në InstaStory, por më pas e ka ndërruar mendjen dhe ka vazhduar të mos flasë.

Ylli televiziv ishte tërhequr nga pozita e prezantueses në serialin real të ITV, “Love Island”, pas padisë për ushtrim dhune, ndërsa ishte raportuar se ka shkruar një libër për të ndihmuar veten.

 

 

Shpërndaje në rrjete sociale

Lajmet më të lexuara

Të ngjashme

Foto lajm