Filmi kosovar “Zgjoi” nga e dje (e premte) është i disponueshëm edhe në kinematë amerikane.
Protagonistja kryesore e filmit, Yllka Gashi ka publikuar në llogarinë e saj zyrtare në Facebook disa fotografi, nga premiera e dhënë në New York, shkruan arbresh.info
Yllka ka falënderuar të gjithë pjesëmarrësit, ndërsa ka bërë të ditur se pjesë e audiencës ishte edhe miku i madh i shqiptarëve, kongresmeni amerikan Eliot Engel.
“Mbrëmë “Zgjoi” filloi rrugëtimin e tij në New York! Faleminderit shumë të gjithë atyre që na nderuan me ardhjen e tyre. Në mesin e të pranishmëve ishte edhe kongresmeni Eliot Engel, mik i madh i shqiptarëve i cili na nderoi e komplimentoi për punën tonë!”, shkroi aktorja Gashi.
Rikujtojmë që “Zgjoi” deri tani ka fituar disa çmime të rëndësishme ndërkombëtare, teksa edhe është nominim për “Oscars 2022”, nga Qendra e Kinematografisë së Kosovës. /arbresh.info/
Skip to content
![Google ADS](https://www.arbresh.info/wp-content/uploads/2024/07/bannerat-per-web-5-pakot_728-90-1.jpg")
