Më pak se një javë pas premierës së pjesës së dytë të dokumentarit të Meghan Markle dhe Princit Harry “Harry and Meghan” në Netflix , platforma ka njoftuar një dokumentar të ri që do të prezantohet nga Duka dhe Dukesha dhe do të titullohet ” Sussex, Jeto për të udhëhequr”. Madje, “Live to Lead” pritet të shfaqet premierë më 31 dhjetor 2022 në Netflix.

Dokumentari me shtatë episode do të prodhohet nga Meghan dhe Harry dhe në trailerin zyrtar, Harry shprehet: “Kjo u frymëzua nga Nelson Mandela, i cili dikur tha: “Ajo që ka rëndësi në jetë nuk është vetëm se ne kemi jetuar .”

“Është ndryshimi që kemi bërë në jetën e të tjerëve ai që do të përcaktojë kuptimin e jetës që jetojmë ”, thekson Meghan Markle. Në fund të trailerit, Harry thotë: “Këta janë njerëz që kanë bërë zgjedhje të guximshme.” Më pas Meghan Markle shton: “Të luftojmë për ndryshim dhe të bëheni lidere”.

“Sussex: Live to Lead”, krijuar dhe drejtuar nga Geoff Blackwell, përmban intervista me ish-gjyqtaren e Gjykatës së Lartë të SHBA, Ruth Bader Ginsburg, Greta Thunberg dhe Bryan Stevenson, Kryeministren e Zelandës së Re Jacinda Ardern, Siya Kolisi, Albie Sachs dhe Gloria Steinem.

Sipas përmbledhjes së serisë, “Udhëheqësit e shquar reflektojnë mbi trashëgiminë e tyre dhe ndajnë mesazhe guximi, dhembshurie, përulësie, shprese dhe bujarie. Frymëzuar nga trashëgimia ikonike e Nelson Mandelës, Live to Lead thekson vlerat thelbësore, disiplinat e përditshme dhe parimet udhëzuese që liderët përdorin për të motivuar të tjerët dhe për të krijuar ndryshime domethënëse”.

Në një deklaratë, Fondacioni Nelson Mandela tha: “Me Live to Lead ne duam të frymëzojmë një brez të ri liderash, që fitojnë respekt dhe besim përmes praktikës së parimeve të tyre dhe angazhimit të tyre për të krijuar fuqi për njerëzit, jo për veten e tyre. Ne e ndajmë këtë vizion me partnerët tanë në Blackwell & Ruth dhe Archewell Productions, të themeluar nga Princi Harry dhe Meghan, Duka dhe Dukesha e Sussex. Është shpresa jonë kolektive që ky serial do të promovojë trashëgiminë e Nelson Mandelës në një mënyrë inovative, duke arritur një audiencë të vërtetë globale”. /abcnews.al