Elvana Gjata tashmë ka nisur një karrierë ndërkombëtare duke u zhvendosur në Shtetet e Bashkuara të Amerikës.

Rikthimi në Tiranë pas shumë kohësh dhe sinjali nga një studio muzikore, mjaftoi për t’i shtuar dyshimet për projektin e ri të Elvana Gjatës, por ky rikthim nuk ishte me një këngë ndërkombëtare, por me një koncert të gjallë në Tiranë.

Pas publikimit të këngës së fundit “Forever is Over”, këngëtarja e njohur shqiptare i kishte munguar skenës këtu, por edhe daljeve publike në mediat tona, shkruan arbresh.info.

Por, data 3 shkurt ishte një ditë e veçantë për këngëtaren Elvana Gjata, e cila po atë ditë mbushi 31 vjet.

E pikërisht në këtë ditë ajo kishte vendosur që të rikthehej për të bërë një koncert privat me rreth 100 të ftuar, ku ka shpalosur këngë nga albumi i saj më i ri të kënduara në mënyrë akustike.

Të ftuarit në këtë mbrëmje gala ishin miqtë e saj dhe personat më të dashur për të, duke mos munguar edhe ata nga Kosova.

Pjesë e të pranishmëve ishin emra të njohur të artit, televizionit, e biznesit, gra të rëndësishme të politikës, aktorë e këngëtarë të njohur. Salla e pritjes, dekoruar në të zezë dhe të bardhë mirëpriti të ftuarit më glamuroz, me veshje mbresëlënëse, koncerti madhështorë u mbajt në ‘Mark Tirana Hotel and Tower’, koncerti promovues bëri bashkë ajkën e asaj që ofron arti në Shqipëri dhe Kosovë.

Veshja e Elvanës u duk si një përshëndetje e heshtur ndaj lëvizjes ‘Me Too’, me kostum të zi, ashtu si u veshën yjet e Hollywood-it në Golden Globes dhe trëndafil të bardhë, të njëjtën që kishin mbajtur të ftuarit e Grammy Awards)

Ndërkohë, Elvana më vonë gjatë mbrëmjes zëvendësoj kostumin me një fustan të kuq të dizajnuar nga kreatori i njohur kosovar, Valdrin Sahiti, ajo dukej shumë elegante dhe me shumë klas.

Atë natë mbrëmja nisi me një film të shkurtër, për fëmijërinë e Elvanës dhe rrugëtimin e saj drejt njeriut që ajo është sot.

Koncerti kryesisht kishte përfshirë muzikë të performuar live nga këngëtarja, albumi akustik i titulluar “3, Live Sessions” atë mbrëmje u këndua për herë të parë disa balada të reja të kompozuara nga Pirro Çako, duke kujtuar këtu edhe versionin akustik prej 5 baladash që ajo solli vite më parë me rastin e festës së Shën Valentinit.

Performancat atë natë u priten me shumë duartrokitje qoftë të Elvanës, qoftë të orkestrës. Ky album është një bashkëpunim mes Elvanës, Pirro Çakos dhe Darko Dimitrov. Ajo i kërkoi vetë Çakos një bashkëpunim, si një prej idhujve të saj të cilin arriti ta kthejë në muzikë pas pesë vitesh pauzë. Bashkë shkruan tekst e muzikë, orkestruar nga Dimitrov, këngë këto që do të mbeten gjatë në trashëgiminë e muzikës së lehtë shqiptare.

Që prej fundit të nëntorit 2017, Elvana u kishte munguar fansave, derisa u shfaq me një foto nga Hollivudi kjo si për të treguar se tashmë synon diçka më shumë në karrierën e saj.

Ndërsa, jetën private Elvana Gjata e mban me shumë fanatizëm, por flitet se artistja ka zyrtarizuar lidhjen e saj dyvjeçare në fshehtësi me një djalë të njohur në Tiranë, i cili njihet për jetën e tij të shtrenjtë që bën dhe për biznesin e tij, pasi thuhet të ketë në pronësi një hotel të njohur. Lidhja e tyre tashmë është bërë dhe familjare dhe pse pa ndonjë ceremoni.

Kujtojmë, që ajo festoi një 30-vjetor përrallor vitin e kaluar, me shpenzime që kapën 20 mijë euro, vetëm për udhëtimet e fundjavës.

Ndryshe, këngëtarja Elvana Gjata nisi karrierën në vitin 2001, në festivalin ‘Ethet e së premtes’ ku mori vendin e tretë me këngën ‘Le të këndojmë së bashku’, karriera e saj profesionale fillojë disa vite më vonë, ajo sot numëron shumë hite dhe suksese në muzikë./Arbresh.info/