​Pas ndarjes me Jolie, Pitt duket se ka në krahët e tij aktoren tjetër super-seksi të Hollywood, bukuroshen Chrlize Theron.

Britanikja The Sun raporton se dyshja janë njohur para dy vjetëve përme tashmë ish-të fejuarit të Theron, aktorit Sean Penn.

“Ata po takohen tashmë qe një muaj”, ka thënë një burim për gazetën. “Kanë qenë miq të mirë gjatë gjithë kësaj kohe, por duket se gjërat kanë ndryshuar”.

Megjithatë kjo histori me siguri nuk i duket aspak e bukur ish-it të Brad, Angelina Jolie.

Sipas mediave të shumta amerikane, Jolie dhe Theron prej vitesh kanë luftë të heshtur me njëra-tjetrën dhe kjo për shkak të roleve të tyre në filma.

Ja si nisi gjithçka!

Sipas një artikulli të vitit 2017 nga “RadarOnline” mes ish-bashkëshortes së Brad-it, Angelina Jolie dhe aktores së njohur Charlize Theron ka pasur mospëlqime ndër vite.

Burimi konfirmon se Jolie shpeshherë është munduar të lërë në hije bjonden, për të qenë vetë personazhi kryesor në filma të ndryshëm.

Në vitin 2017 Universal Pictures prezantoi Dark Universe dhe planifikoi të përfshinte disa nga personazhet më të përshtatshëm për filmat horror si Johnny Depp, Dr Jekyll, Russell Crowe etj.

Gjithashtu Jolie u ftua në film dhe po ashtu Theron ishte kandidate.
Thuhej se Angie po e mbante Theronin larg projektit.

Burimi Radar po ashtu tha: “Angie nuk ka bërë një marrëveshje me Universal, por oferta ishte mbi tavolinë. Ajo mund të përdorë pagën prej 20 milion dollarë. Duket se ajo kënaqet duke e mbajtur larg Charlize!”

Gjithashtu zëra të ndryshëm kanë rrëfyer se ato kanë qenë në “luftë” me njëra-tjetrën për vite me radhë.

Një tjetër provë e vogël që tregon se dy aktoret kanë qenë në konkurrencë të vazhdueshme është fakti se Theron ishte konfirmuar si aktore në filmin “Murder On The Orient Express”, që Jolie në fillim e refuzoi, por më pas kërkoi që të bëhej pjesë.

E më pas, si përfundim nuk pranoi asnjë rol në film dhe më vonë u zëvendësua nga Michelle Pfeiffer.

Jolie luajti gjithashtu në “The Tourist”, pasi Theron e hodhi poshtë si ofertë.

Sipas Radar, urrejtja mes dy idhujve botërorë ka filluar shumë kohë më parë dhe duket se nuk do të ndalet.