Bebe Rexha për Biden: Ai është 78 vjeç dhe u bë president, mos u dorëzoni kurrë

20:28 | 21 Janar 2021
A. B.

Dje u bë inaugurimi i Presidentit të 46-të të Shteteve të Bashkuara të Amerikës, Joe Biden.

Edhe pse në moshën 76 vjeçare Biden arriti qëllimin e tij dhe e sfidoi ish-presidentin republikan, Donald Trump, shkruan portali arbresh.info

E energjia pozitive e tij si duket e ka inspiruar artisten shqiptare me famë botërore, Bebe Rexha.

Bebe ka shfrytëzuar këtë arritje të presidentit amerikan, për t’i motivuar fansat e saj përmes një statusi në rrjetin social Twitter.

“Thjesht dua t’ju njoftoj. Asnjëherë nuk është vonë për të ndjekur ëndrrat tuaja. Joe Biden është 78 vjeç dhe po bëhet president i Shteteve të Bashkuara sot. Mos u dorëzoni”, shkroi 31-vjeçarja në ditën e inaugurimit.

Ndryshe, Rexha pritet që shumë shpejt të publikojë këngën e saj më të re për fansat.

“Sabotage” mban titullin kënga e saj e re, e cila do të publikohet së shpejti edhe me klip. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm