Edhe Ava Max i është përgjigjur pozitivisht kërkesës së Bebe Rexhës për një bashkëpunim ndërmjet këngëtareve të famshme shqiptare.
Ylli me origjinë nga Dibra të hënën bëri një postim në profilin e saj në Twitter, në të cilin kërkonte një bashkëpunim muzikor me këngëtaret shqiptare të muzikës pop, Rita Ora, Dua Lipa dhe Ava Max.
Këngëtarja në ngritje, 24-vjeçarja Amanda Ava Koci i ka komentuar Bleta Rexhës (emri i vërtetë i Bebe Rexhës) duke thënë se bashkëpunimi ndërmjet tyre do të ishte një hit i ri sikur kënga e popullarizuar “Lady Marmalade”.
“Një ‘Lady Marmalade’ e re”, ka shkruar Amanda në komentin e saj në postimin e Bebes duke e shoqëruar me simbole kuqezi të zemrës.
https://twitter.com/avamax/status/1089986709855424512?ref_src=twsrc%5Etfw%7Ctwcamp%5Etweetembed%7Ctwterm%5E1089986709855424512&ref_url=https%3A%2F%2Ftelegrafi.com%2Fava-max-referohet-hitit-boteror-lady-marmalade-ne-komentin-e-saj-per-kerkesen-e-bebe-rexhes%2F
“Lady Marmalade” është një këngë e realizuar nga Bob Crewe dhe Kenny Nolan, e cila për herë të parë u bë e popullarizuar në vitin 1974 nga grupi amerikan i vajzave, “Labelle”. Versionin e vitit 2001 e kënduan Christina Aguilera, Mya, Pink dhe Lil’ Kim, për nevojat e filmit “Moulin Rouge!” dhe ishte një hit i madh.
Pozitivisht kësaj kërkesë i është përgjigjur edhe Dua Lipa, ndërsa pritet vetëm reagimi i Rita Orës.
Natyrisht se për të ndodhur bashkëpunimi i katër këngëtareve të famshme nevojiten shumë negociata të menaxhmenteve përkatëse dhe studiove muzikore.
Mirëpo, fansat e tyre, e në veçanti shqiptarët, do ta mirëprisnin një këngë të përbashkët të bukurosheve tona.
Miratohet projektligji për ndarjen e mjeteve buxhetore për F...
Mungon Konjufca, Lekaj, Kadrijaj, Baftiu e Dërguti – dështon...
Miratohet vendimi për krijimin e komitetit për mbikëqyrjen e...
Geci pyetet për dallimet në mes LPK-së dhe LDK-së: Kundërsht...
Mbytet varka me emigrantë në Kanalin Anglez, dy të vdekur, s...
Miratohet projektligji për Agjencinë e Menaxhimit të Emergje...