Google ADS

Arrestohet reperi Kastro pasi gjuajti me armë duke xhiruar klipin

21:30 | 19 Qershor 2020
Arbresh.info

Kastro është njëri nga artistët e ri më të pëlqyer në vend.

Reperi i talentuar gjilanas në dy vitet e fundit ka publikuar dhjetëra këngë të cilat janë pëlqyer jashtëzakonisht shumë nga adhuruesit e muzikës së tij.

Kënga e fundit e Kastros është ‘Dem baba dem’ që është pritur mjaft mirë.

Por reperi gjilanas së fundmi është përfshirë në një problem të madh në shtetin fqinj Maqedoninë e Veriut.

Gjatë ditës së djeshme (e enjte) Kastro ka qëndruar në kryeqytetin maqedonas për të xhiruar një klip të ri, teksa kanë qarkulluar disa video ku shihej ai duke gjuajtur me armë në njërën nga autostradat e Maqedonisë së Veriut.

Sigurisht që ka qenë ndonjë skenë e klipit, mirëpo Kastro ia ka pa sherrin këtij kripi, pasi është arrestuar gjatë ditës së sotme.

Përveç reperit të famshëm gjilanas janë arrestuar edhe disa miq të tij.

Edhe në rrjetin social Instagram, Kastro nuk ka publikuar asnjë story apo foto nga dita e djeshme. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm