A zgjoheni ndonjëherë në mes të natës duke u uritur? Nëse kjo ndodh herë pas here, nuk duhet të shqetësoheni, por nëse është një dukuri e zakonshme, duhet të shihni se cili është problemi.

Kristen L. Natson, një profesoreshë e neurologjisë, arriti në përfundimin se është “e pazakontë” të zgjohesh gjatë në mes të  natës me një ndjenjë urie, sepse orët tona biologjike nuk presin që ne të hamë atëherë, shkruan Huffpost, transmeton portal arbesh.info

Ajo zbulon disa arsye se pse ndodh kjo.

Nuk hani sa duhet

Nëse gjatë ditën nuk hani mjaftueshëm, mund të zgjoheni të uritur në mes të natës.

Sipas saj, nëse jeni në dietë ose e kuzifoni ushqimin në ndonjë mënyrë, të tilla si anashkalimi i vakteve ose ushtrime të tepërta, mund të mos merrni mjaftueshëm kalori gjatë ditës dhe mund të zgjoheni të uritur.

Nuk bëni gjumë mjaftueshëm

Çrregullimet e gjumit mund të prishin hormonet që rregullojnë oreksin, të cilat më pas mund të ju bëjnë që ndjeheni të uritur dhe të kërkoni ushqime me një përqindje të lartë të karbohidrateve.

Studime të shumta kanë ardhë në përfundim se mungesa e gjumit e humb edhe oreksin.

Jeni të stresuar

Ndonjëherë uria nuk është ajo që ju zgjon. Arsyeja mund të jetë reagimi i trupit ndaj një periudhe stresuese në jetë. Kur të zgjoheni, mund t’i drejtoheni ushqimit për t’u qetësuar.

“Mbingarkesa emocionale sigurisht që mund të ngadalësojë proceset e mendimit. Nëse trupi juaj tret tretjen e ushqimit, ai mund të qetësojë ankthin që ju mban të mos bini në gjumë. Për fat të keq, ushqimi është një mënyrë shumë efektive për të harruar mendimet e këqija”, tha Natson.

Ju keni sindromën e ngrënies gjatë natës

Nëse zgjoheni shpesh me ndjenjën e urisë, disa herë gjatë javës, mund të jetë një shenjë e një çrregullimi të quajtur “sindroma e ngrënies së natës”.

Njerëzit me këtë çrregullim konsumojnë një pjesë të konsiderueshme të kalorive ditore pas darkës, sepse ata kanë pak dëshirë për ushqim gjatë ditës. Ata që vuajnë nga ky sindrom kanë edhe përkeqësim të humorit gjatë natës./arbresh.info/