Edhe pse të gjithë e dimë se çfarë është magnezi, nuk jemi akoma të vetëdijshem për rolin dhe rëndësinë e tij në  mirëfunksionimin e organizmit. I përfshirë në mbi 300 procese metabolike, magnezi mund të konsiderohet si heroi i padukshëm i trupit . Nëse nuk merrni mjaftueshëm nga kjo lëndë ushqyese, organizmi ju paralajmëron me anë të këtyre simptomave që nuk duhet t’i injoroni.

1. Dhembje dhe ngërçe konstante të muskujve: Kur trupit tuaj  i mungon magnezi, ai kontraktohet në mënyrë të pavullnetshme.. gjë që shkakton spazma të dhimbshme. Nëse pëballeni vazhdimisht me tension të muskujve dhe dhembje, atëherë do të ishte një ide e mirë të shtoni nivelet e magnezit që konsumoni nëpërmjet ushqimeve apo suplementeve.

2. Ankth i vazhdueshëm: A jeni ndjerë të stresuar ose në ankth së fundmi? A vazhdoni të shqetësoheni dhe ta vrisni mendjen për gjithçka ? Fakti që trupi juaj vuan nga mungesa e magnezit në organizëm mund të jetë arsyeja e këtij shqetësimi. Duke qenë se magnezi është mineral qetësues, mungesa e tij mund të ndikojë në mënyrën se si truri përpunon mendimet dhe emocionet.

3. Çrregullime me gjumin: Një simptomë tjetër po aq e zakonshme e mungesës së magnezit në organizëm është pagjumësia. A ju ndodh të rrotulloheni e rrotulloheni nëpër shtrat gjatë gjithë natës në pamundësi për të vënë gjumë në sy? A e dini arsyen pse ju ndodh përveç të qenurit të lodhur? Njëra arsye mund të jetë që nuk po merrni sasitë e nevojshme të magnezit. Madje edhe një rënie e lehtë e sasive të magnezit në organizëm mund të ndikojë në qetësimin e trurit tuaj gjatë natës.

4. Luhatje të presionit të gjakut: Siç u tha edhe më sipër, magnezi është minerali më i rëndësishëm për të qetësuar trupin dhe organizmin. Magnezi ndihmon në qetësimin e venave të gjakut dhe në normalizimin e presionit të gjakut. Nëse keni tension të lartë të gjakut, një nga arsyet mund të jetë mungesa e magnezit në organizëm. Lini një takim me mjekun specialist dhe zbuloni nëse mungesa e magnezit është arsyeja e problemeve tuaja me tensionin.

5. Djegje dhe refluks: Jeni viktimë e goditjeve të refluksit? Ju ndodh që pasi ushqeheni të keni spazma të stomakut apo ndjesi të vjellash? Këto simptoma mund të kërkojnë të konsumoni ushqime të pasura me magnez në mënyrë që organizmi juaj të funksionojë mirë sërish.

Në vijim gjeni disa nga ushqimet më të pasura me magnez që mund t’ju ndihmojnë t’i ktheni normalitetin organizmit tuaj:

1. Arra Brazili: Këto arra janë një burim i shkëlqyer i acideve yndyrore të ngopura, vitaminës E, vitaminave B dhe magnezit. 5 arra tre herë në javë mund t’ju mbajnë të shëndetshëm.

2. Kakao: Kakao përmban antioksidantë që mund të parandalojnë tipe të ndryshme të kancerit dhe sëmundje të zemrës. Kakao është e pasur me minerale jetësore si kalçium, magnez, fosfor, kalium dhe zink.

3. Fara kungulli: Përveç përmbajtjes së zinkut, farat e kungullit janë gjithashtu të pasura me magnez. Sasia e konsiderueshme e ushqyesve dhe mineraleve u japin atyre veti antibakteriale dhe antivirale.

4. Bajame: Bajamet janë të pasura me yndyrna të shëndetshme. Të konsumuarit të tyre redukton rrisqet për sëmundje të zemrës dhe ul nivelet e kolesterolit. Niveli i magnezit dhe i mineraleve të tjerë i bën bajamet thelbësore për të patur një tension normal gjaku.

5. Spinaqi: Spinaqi është i pasur me magnez, kalçium, kalium dhe zink. Është gjithashtu i pasur me vitamina K, A, C, acid folik dhe shumë vlera te të tjera ushqyese. Këta ushqyes sigurojnë shëndet të mirë dhe jetë të gjatë.