Google ADS

Vitamina D rrit shanset tek gratë për të mbetur shtatzënë

01:54 | 17 Nëntor 2017
Trina Galanxhi

Ekspertët në Universitetin e Birmingamit gjetën se gratë që ishin duke u trajtuar për fertilitet kishin 33 për qind të gjasave të kishin një fëmijë nëse nivelet e tyre të vitaminës D ishin më të shëndetshme.

Ata thanë se gjetjet mund të shpjegojnë pse njerëzit kanë tendencë të mbesin shtatzënë gjatë verës, kur nivelet e vitaminës D janë më të larta për shkak të rrezeve të diellit.

Ky hulumtim rekomandon gratë që janë shtatzëna ose duke u përpjekur të mbesin shtatzënë të marrin vitaminë D, pasi zhvillimi i fëmijës do të jetë më i mirë.

Por gjetjet e reja gjithashtu tregojnë se kjo vitaminë mund të ndikojë që gratë të mbesin shtatzënë më lehtë, nëse ato kanë probleme për një çështje të tillë.

Sipas hulumtimit, vetëm 26 për qind e grave kanë nivele të mjaftueshme të vitaminës D.

Shpërndaje në rrjete sociale

Lajmet më të lexuara

Të ngjashme

Foto lajm