Një studim i ri ka treguar se diferenca midis moshës së retinës së njerëzve dhe moshës së tyre aktuale mund të parashikojë rreziqet e vdekshmërisë.

Fundusi, sipërfaqja e brendshme, e pasme e syrit, përbëhet nga retina, makula, disku optik, fovea dhe enët e gjakut. Imazhet e fundusit mund të ndihmojnë në diagnostikimin e disa kushteve të syrit.

Studiuesit nga Spitali Popullor Provincial i Guangdong, Universiteti Sun Yat-sen, Universiteti i Melburnit në Australi dhe institute të tjera kërkimore përdorën të dhëna nga Biobank në Britaninë e Madhe.

Një total prej 80,169 imazhesh të fundusit të marra nga pothuajse 47,000 pjesëmarrës ishin në dispozicion në Biobank në Britaninë e Madhe. Midis tyre, 19,200 imazhe nga individë relativisht të shëndetshëm u përdorën për të trajnuar modelin e të mësuarit të thellë për parashikimin e moshës. Një total prej 35,913 pjesëmarrësish kishin të dhëna për vdekshmërinë dhe u përdorën për të hulumtuar lidhjen midis hendekut të moshës së retinës dhe vdekshmërisë.

Sipas studimit të publikuar në British Journal of Ophthalmology, modeli i AI mund të bëjë parashikimin e saktë të moshës brenda 3.55 viteve.

Ai sugjeron një përgjigje se përse njerëzit e së njëjtës moshë nuk duhet të plaken me të njëjtin ritëm, përkatësisht pse disa vdesin para kohe. Shkencëtarët pohojnë se skanimi i kokërdhokut (fund të syrit, i cili është një proces i shpejtë dhe pa dhimbje, mund të tregojë rrezikun e vdekjes së hershme.

Për shembull, nëse një algoritëm parashikon që retina (shtresa e brendshme e syrit) e një personi është një vit më e vjetër se mosha e tij, rreziku i vdekjes së parakohshme rritet me dy për qind në 11 vjetët e ardhshëm.

Gjithashtu, rreziku i vdekjes nga shkaqe që nuk përfshijnë sëmundjet kardiovaskulare apo kancerin rritet me tre për qind. Duke qenë se këto gjetje janë ende të bazuara në vëzhgim, nuk është e qartë se çfarë e shkakton këtë marrëdhënie. Por rezultatet mbështesin pretendimin se retina është e ndjeshme ndaj dëmtimit gjatë plakjes./gsh/