Të premten, Dr. Mangala Narasimhan mori një telefonatë urgjente. Një burrë në të 40-tat me Covid-19 ishte në një situatë të rëndë dhe kolegu e tij dëshironte që të vinte në njësinë e kujdesit intensiv në Spitalin Hebraik Long Island.

Para se të arrij atje, Narasimhan i tha doktorit tjetër, të provonte ta kthente pacientin të shtrirë përmbys dhe të shihte nëse kjo e ndihmonte.

Narasimhan nuk kishte nevojë të shkonte në ICU. Rrokullisja funksionoi. Ky pozicion ndihmon në rritjen e sasisë së oksigjenit në mushkëritë e pacientëve të prekur me virusin.

“Ne po kursejmë jetë me këtë, njëqind përqind,”- tha Narasimhan, drejtori rajonal për kujdes kritik në Northwell Health, i cili zotëron 23 spitale në New York. “Është një gjë kaq e thjeshtë për t’u bërë dhe kemi parë një përmirësim të jashtëzakonshëm. Ne mund ta shohim përmirësimin në çdo pacient.”

Pacientët me koronavirus vdesin shpesh nga ARDS, ose sindromi akut i shqetësimit të frymëmarrjes. E njëjta sindromë vret gjithashtu pacientët që kanë grip, pneumoni dhe sëmundje të tjera.

Shtatë vjet më parë, mjekët francezë publikuan një artikull në New England Journal of Medicine, ku tregonin se pacientët me ARDS që ishin në ventilator, kishin një shans më të ulët të vdisnin nëse vendoseshin në pozicionin të shtrirë përmbys.

Pacientët që përdorin ventilimin qëndrojnë në këtë pozicion për 16 orë në ditë, ndërsa pjesën tjetër të kohës së mbetur, kthehen me kurriz.

Në Qendrën Mjekësore të Universitetit Rush, po studiohet nëse pozicioni i stomakut është i dobishëm për pacientët që nuk janë aq të sëmurë sa të kenë nevojë për një ventilator për të marrë frymë, por që janë aq të sëmurë sa u duhet të marrin oksigjen përmes një tubi të vendosur në hundë.