Për personat që vuajnë nga tensioni i gjakut përdorimi i saj bëhet pak specifik dhe kërkon kujdes në përdorim.
Hudhra është padyshim një ushqim që nuk duhet të mungojë gjatë ditës, shkruan “AgroWeb”.
Vlerat e saj për shëndetin janë të panumërta, sidomos kundër virozave dhe inflamacionit por kur vjen puna tek gjumi, ajo nuk ka asnjë ndikim në cilësinë e tij
Hudhra është efikase në trajtimin e sëmundjeve si ateroskleroza, ishemia, problemet me imunitetin, artritin dhe problemeve me shikimin.
Në këtë artikull do të mësoni arsyet përse hudhra nuk rekomandohet të konsumohet në mbrëmje përpara gjumit, dhe jo vetëm prej aromës së fortë.
Hudhra irriton stomakun
Hudhra e stimulon të gjithë sistemin tretës, ndaj sasitë e mëdha të hudhrës të ngrëna në mbrëmje, intensifikojnë sekretimin e lëngjeve gastrike dhe të pështymës.
Një gjë e tillë do t’ju lërë pa gjumë, transmeton lajmi.net.
Sekreti i përvetësimit të vlerave të hudhrës është ta konsumoni atë në mëngjes ose në drekë.
Si mund ta konsumoni
Rekomandohet që nëse doni të konsumoni hudhër në darkë, atëherë duhet ta hani dy-tre orë para gjumit dhe ta shoqëroni me ushqim.
Kështu do të evitoni aciditetin e stomakut.
Hudhra dhe rrugët e frymëmarrjes
Hudhra hap rrugët e frymëmarrjes dhe përthan sekrecionet.
Por kjo nuk do të thotë që hudhrën duhet ta hani përpara gjumit.
Mjafton që atë ta konsumoni gjatë ditës rregullisht, pra në mëngjes ose rreth drekës, transmeton lajmi.net.
Fuqitë e pashtershme të hudhrës
Nëse hudhra nuk ju shkakton probleme në stomak, atëherë duhet ta hani atë rregullisht.
Nëpërmjet hudhrës, ju do të mund të furnizoni trupin me ushqyes të dobishëm.
Hudhra ndihmon sistemin imunitar dhe atë kardiovaskular të funksionojnë në mënyrë maksimale.
Sa i përket gjumit, ekspertët ju rekomandojnë një sërë ushqimesh siç janë: spinaqi, arrat, brokoli, kungulli, avokado, bananet.
Njerëzit që kanë probleme me gjumin duhet të shmangin ushqimet e përpunuara.
Ushqimet me sheqer, karbohidrate, yndyrë kanë një ndikim të fortë në procesin përgjumës të trupit.
Ato vështirësojnë çdo përpjekje të trurit për të prodhuar melatoninë, sidomos nëse konsumohen shumë pranë orarit të gjumit.
Çokollata gjithashtu nuk rekomandohet përpara gjumit sepse ndërpret procesin e sekretimit të hormoneve të gjumit.
Haradinaj: Rritja e pensioneve sot nga Qeveria në ikje është...
Aksioni në “Pallatin e Rinisë”, Prokuroria Speci...
1 vit nga 7 tetori, a e ka çrrënjosur Izraeli lëvizjen e Ham...
Vlora e gjunjëzuar pas përmbytjeve, qytetarët: Inspektorët e...
Kurti përmend kërkesat ndaj Serbisë në dialog, në mesin e ty...
Drejtori i policisë Rajonale të Gjilanit takon Komandantin e...