“Kjo para nesh është një sfidë e madhe, një pandemi që po tendos sistemin shëndetësor, ekonomitë dhe mund të shkaktojë më shumë se 10 milionë vdekje”.

Këto ishin fjalët e Bill Gates më 14 shkurt në Shoqatën Amerikane për Përparimin e Shkencës në mbledhjen vjetore në Seattle, vetëm disa orë para se autoritetet egjiptiane të konfirmonin rastin e koronavirusit në Afrikë, transmeton portal arbresh.info

Pikërisht në dritën e këtij zhvillimi, konsideruar nga të gjithë virologët si rrezik për shkak të prapambetjes së shumë sistemeve shëndetësore në kontinentin afrikan, vazhdimi i fjalimit të themeluesit të Microsoft jep edhe më shumë ndjesi.

“Nëse ky virus përpahet në zona të tillë si Afrika nën-Sahariane ose pjesë të Azisë, atëherë urgjenca shëndetësore mund të jetë ekstreme. Në këtë pikë, situata do të bëhej dramatike. ëse kjo sëmundje mbërriti në Afrikë, do të shkaktonte shumë më tepër dëm sesa në Kinë. Dhe me këtë unë absolutisht nuk dua të minimizoj atë që po ndodh në vendin aziatik”, tha Gates.

Lexo edhe: Zbuloni çfarë i bën koronavirus trupit

Bill Gates kishte paralajmëruar botën për rrezikun e një pandemie të re globale në vitin 2017, në Konferencën e Sigurisë në Mynih, në kohën kur ai kërkoi nga liderët politikë që të përpiqen ‘të imagjinojnë vendin se ku është arma e re e aftë për vrarë miliona njerëz, duke ndaluar kështu ekonomitë e botës dhe duke hedhur kombet në kaos’.

“Nëse ky transportues do të ishte një armë ushtarake, përgjigja do të duhet të jetë të bëjmë çdo përpjekje për të zhvilluar kundërmasa. Kur flasim për kërcënime biologjike, unë mendoj se ndjenja e urgjencës mungon”, tha Gates.

Koroavirusi ka lënë të vdekur më shumë se 1 mijë njerëz në Kinë dhe është përhapur në një numër të konsiderueshëm vendesh, përfshirë disa vende të Europës./arbresh.info/