Të dhënat e Organizatës Botërore të Shëndetësisë tregojnë se një e treta e vdekjeve në të gjithë botën kanë lidhje me sëmundjet kardiovaskulare.
Ndërkohë, statistikat e Institutit të Shëndetit Publik tregojnë një panoramë shqetësuese të prevalencës së këtyre sëmundjeve në Shqipëri.
Instituti Shqiptar i Statistikave tregon se në vitin 2015 numri i vdekjeve arriti në 11,500 ndërkohë që në vitin 2016 ai u ul në 11,000.
Ndonëse ai duket të jetë ulur disi, sërish sipas autoriteteve, gjysma e vdekjeve në vend në vitin 2016 u shkaktua nga sëmundjet e zemrës.
Në këtë artikull të AgroWeb.org do të mësoni për 3 suplementët më të mirë për sistemin kardiovaskular dhe 3 ushqimet që nuk duhet të mungojnë kurrë në tryezën tuaj.
Vaji i Peshkut
Një prej suplementëve më të mirë me rol parandalues ndaj këtyre sëmundjeve është vaji i peshkut.
Ai e përmirëson shëndetin e zemrës në disa mënyra. Acidet yndyrore omega-3 dhe omega-6 tek vaji i peshkut ulin rrezikun e sëmundjeve të zemrës në disa mënyra.
Së pari, ato ulin nivelin e triglicerideve, zhbllokojnë enët e gjakut dhe ulin tensionin e tij.
Magnezi
Mungesa e magnezit në organizëm shkakton probleme kardiovaskulare.
Ky mineral është shumë i dobishëm për shëndetin e zemrës.
Sasitë e rekomanduara të këtij suplementi janë 400 deri në 800 miligramë në ditë.
Vitamina B1
Kjo vitaminë njihet si vitamina anti-stres sepse luan një rol shumë të rëndësishëm në forcimin e sistemit imunitar.
Kjo vitaminë ruan elasticitetin e muskujve të zemrës dhe garanton pompimin efikas të gjakut.
Çaji Jeshil
Ky çaj përmban shumë antiokisdantë të cilët zhbllokojnë enët e gjakut dhe ulin rrezikun e atakut në zemër dhe ishemisë.
Sasia e rekomanduar e çajit është 3 filxhanë në ditë.
Panxhari
Lëngu i panxharit është një nga lëngjet më të mira për uljen e tensionit të gjakut. Vetë panxhari dhe gjethet e tij duhen ngrënë rregullisht për të ulur rrezikun e tensionit të lartë, sëmundjeve të zemrës dhe ishemisë.
Nëse panxharin e merrni si suplement mos merrni më shumë se 100 miligramë ekstrakt në ditë.
Hudhra
Hudhra duhet ngrënë rregullisht në të mirë të zemrës.
Ajo ul tensionin e gjakut , kontributi i të cilit në atakun në zemër dhe tek ishemia arrin deri në 70 përqind.
Hudhra pastron enët e gjakut dhe garanton një qarkullim të mirë të tij.
Ajo ul kolesterolin, një faktor kontribues në sëmundjet kardiovaskulare.
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...