Sipas ekspertit të jetëgjatësisë, Dan Buettner, ekziston një çaj bimor që pihet nga njerëzit më jetëgjatë në botë.
Ai studioi pesë vende në botë ku njerëzit jetojnë më gjatë dhe më të shëndetshëm, të njohur si ‘Zona Blu’.

Gjatë aventurës së tij antropologjike, Buettner vuri re se disa komunitete pinin çajra të veçantë bimor.

“Meqenëse nuk kishin mundësi për kafe, ata pinin gjithmonë ato çajra. Ata i pinë çdo ditë për vite, dekada, gjë që ndoshta kontribuon në jetëgjatësinë e tyre”, shpjegoi ai.

Tek njerëzit që jetojnë në ‘Zonat Blu’, ai vuri re një përzierje specifike bimore që ka një efekt të shkëlqyer në shëndet dhe vitalitet.

Ai zbuloi recetën e ‘çajit të jetëgjatësisë’: “Rigoni, sherebela dhe rozmarina, secila prej këtyre tre bimëve ka një efekt anti-inflamator.

Ato gjithashtu kanë një efekt diuretik, kështu që mund të ndihmojnë në uljen e presionit të gjakut”, shpjegoi ai.

“Pra, bëni një çaj nga të tre barishtet dhe pini çdo ditë”, këshillon Buettner.

Ai iu referua edhe kërkimeve, duke u shprehur: “Studimet kanë treguar se flavonoidet dhe acidi fenolik në rigon ndihmojnë në rregullimin e gjendjeve inflamatore në trup dhe stresit oksidativ. Çaji i rozmarinës, i njohur edhe për vetitë e tij antimikrobike, ka një efekt të ngjashëm. Sherebela ende rregullon nivelet e sheqerit në gjak”.