Një dozë e vetme e vaksinës së Pfizer dhe Biontech i jep njerëzve 85% mbrojtje nga koronavirusi, sipas një studimi nga Izraeli.

Pfizer ka thënë në vazhdimësi se dy doza të vaksinës nevojiten për efikasitet të lartë. Në testet klinike, ai raportoi 52.4 për qind efikasitet pas njërës dozë por 95 për qind efikasitet pas të dyjave.

Lajme teNjejta

“Çmenduritë e motit”, Joe Biden shpall gjendjen e katastrofës në Teksas
20/02/2021

Tregtarët grekë: Hapni Kapshticën/ Mbyllja e pikës së kalimit kufitar me Shqipërinë ndali tregtinë
20/02/2021

Flasin ekspertët: COVID-19 mund të bëhet sëmundje sezonale njësoj si gripi
20/02/2021

Qeveria britanike, në dhjetor, vendosi të ndiqte një politikë sipas të cilës do t’i jepej sa më shumë njerëzve që të ishte e mundur doza e parë e vaksinës, duke rritur distancën kohore mes dy dozave. Doza e dytë e vaksinës së Pfizer dhe Biontech dhe asaj të AstraZeneca-s dhe Oxfordit, jepet tani 12 javë pas të parës. Vetë Pfizer, nuk ka mbështetur këtë qasje duke argumentuar se vaksina nuk është testuar për të treguar se çfarë efikasiteti do të kishte pas tre muajsh me një dozë të vetme.

Një ekip kërkuesish në Izrael, vend ky që kryeson me programin e tij të imunizimit dhe që po përdor vaksinën e Pfizer dhe Biontech, ka zbuluar se efikasiteti është i lartë edhe para se njerëzit të marrin dozën e dytë. Ata e publikuan analizën e tyre në revistën mjeksore “The Lancet”, dhe sqarojnë se e kanë mbështetur atë në të dhënat e vaksinimit të më shumë se 9 mijë punonjësve të shëndetësisë. Ata zbuluan se efikasiteti rritej me kohën. Përfshirë rastet asimptomatike, efikasiteti ishte 75 për qind.

Njerëzit në Izrael e marrin dozën e tyre të dytë rreth tre apo katër javë pas të parës, por shkencëtarët nuk presin që efikasiteti të zbehet për disa muaj pas një doze të vetme.