Hipertensioni është sëmundje nga e cila vuajnë gjithnjë e më shumë njerëz, mirëpo shumica e tyre as që dinë që e kanë këtë sëmundje

Kur është shtypja e lartë një kohë të gjatë, mund të nxisë disa simptoma

Njëra ndër ato më seriozet është retinopatia hipertensive, e cila çon deri në problemet me shikimin.

Kur është shtypja e lartë, muret e enëve të gjakut në sy tëhollohen, zvogëlohen dhe kufizojnë qarkullimin e gjakut nëpër retinë.

Me kalimin e kohës vjen deri te dëmtimi i enëve të gjakut në retinë, kufizimi i funksionit të retinës dhe rritja e shtypjes në nervin optik, i cili çon deri në retinopati hipertensiove.

Zakonisht gjendja nuk vërehet derisa të mos avancojë, mirëpo kur ndodh zvogëlohet shikimi, sytë ënjtën, enët e gjakut janë të dëmtuara, ndërkaq shikimi i dyfishtë shfaqet bashkë me dhembje koke, transmeton observer.

Ekspertët rekomandojnë që menjëherë të kërkoni ndihmë mjekësore nëse shtypja ju është e lartë dhe vëreni ndryshime të papritura në shikim.

Me uljen e shtypjes së gjakut zvogëlohet rreziku nga hipertensioni. Kur shtypja e gjakut është e lartë, kjo gjendje është e njohur si hipertension malinj ose krizë hipertensive.

Hipertensioni malinj është gjendje mjekësore e cila kërkon ndihmën mjekësore, sepse mund të çojë deri në probleme serioze shëndetësore siç janë infarkti apo pika në tru.

Hipertensioni malinj shfaqet kur shtypja e gjakut ngrihet vrullshëm dhe zakonisht është rezultat i shtypjes së gjakut,e cila nuk kontrollohet me kohë.

Hipertensioni malinj shoqërohet me simptoma siç janë gjakrrjedhje nga hunda, dhembje serioze koke dhe dhembje në gjoks.