Google ADS

Në pediatri dhe gjinekologji nuk ka më pacientë me Covid-19

14:27 | 25 Shtator 2021
Arbresh.info

Shërbimi Spitalor Klinik dhe Universitar i Kosovës njofton se pas një periudhe kohore të mbingarkuar me pacientë me COVID-19, Klinika e Pediatrisë dhe Klinika e Gjinekologjisë, nuk kanë më asnjë pacient të infektuar me Coronavirus, shkruan Insajderi.

Me këtë rast, ShSKUK-ja ju bën thirrje të gjithë qytetarëve të respektojnë masat anti-Covid.

Po ashtu të vaksinohen në mënyrë që të ruajnë shëndetin e tyre dhe të kontribuojnë në përmirësimin e situatës së përgjithshme me COVID-19.

ShSKUK-ja të shtunën po ashtu bëri të ditur se ka rënë ndjeshëm numri i pacientëve që po trajtohen nga COVID-19 në spitale.

Qendra Klinike Universitare e Kosovës:

“Bazuar në raportimet e klinikave COVID-19 të QKUK-së dhe spitaleve të përgjithshme, vërehet rënie e ndjeshme e numrit të rasteve që po marrin trajtim spitalor”.

Sipas njoftimit, në trajtim mjekësor janë 319 pacientë, 265 nga ta janë me oksigjeno-terapi dhe 45 në gjendje të rënduar shëndetësore, transmeton /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm