Ndotja e ajrit në Paris, gruaja padit Francën për dëmet shëndetësore

23:21 | 7 Qershor 2017
Trina Galanxhi

Një franceze që vuante nga problemet kronike të frymarrjes, ka vendosur të padisë shtetin francez, duke e akuzuar atë për mos mbrojtje nga ndotja e ajrit në Paris.

Clotilde Nonnez, një mësuese 56-vjeçare, ka thënë për AFP se ka qenë ‘në gjendje të vështirë’ gjatë ndotjes së ajrit në Paris gjatë dhjetorit të vitit 2016, transmeton portali arbresh.info

Vështirësitë e frymëmarrjes i kishin shkaktuar “një problem serioz kardiak”, tha ajo.

Avokati i saj Francois Lafforgue tha se klienti i tij po kërkonte 140,000 euro për dëmet shëndetësore të shkaktuara nga ndotja e ajrit.

“Jeta e saj (është) është ndërprerë rëndë nga problemet e saj shëndetësore dhe trajtimi i saj ka kushtuar dhe vazhdon të kushtojë shumë”, tha ai, duke shtuar se cilësia e dobët e ajrit mund të kishte rritur mundësinë e saj për t’u prekur nga kanceri.

Besohet në Francë për shkak të ndotjes së ajrit ndodhin rreth 48 mijë vdekje të parakohshme çdo vit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm