Të gjithë e dimë që parandalimi është hapi i parë në mbrojtjen kundër sëmundjeve si kanceri. Prandaj dëgjojmë shpesh rekomandime të tipit bëni kontrolle të herëpashershme të gjirit ose kontrolloni nishanet tek dermatologu çdo vit.

Por, është koha që t’i kushtoni vëmendje edhe jashtëqitjes gjithashtu.

Sipas një studimi të fundit, të publikuar tek revista e Institutit Kombëtar të Kancerit, është rritur ndjeshëm numri i rasteve me kancer të zorrës së trashë tek të rinjtë, shkruan “shëndeti”. Hulumtuesit shkencorë kanë zbuluar se personat e lindur në vitet ’90 janë dyfish më të rrezikuar nga kanceri i zorrës së trashë dhe katërfish nga kanceri rektal, krahasuar me ata të lindur në vitet ’50. Pse po ndodh një gjë e tillë? Shkencëtarët akoma nuk kanë një përgjigje të sigurt.

“Mund të lidhet me stresin, dietën apo mënyra të tjera të jetesës; duhet të bëhen më shumë kërkime shkencore për të kuptuar arsyen e shtimit të rasteve”, thotë Lisa Ganjhu, profesore e asociuar klinike e divizionit të gastroenterologjisë dhe sëmundjeve të mëlçisë tek Qendra Mjekësore NYU Langone. Ky fakt është sidomos shqetësues për femrat, duke qenë se, sipas Qendrës për Kontrollin dhe Parandalimin e Sëmundjeve, kanceri i zorrës është aktualisht shkaktari i tretë kryesor i vdekjeve nga kanceri tek gratë, pas kancerit të gjirit dhe të mushkërive.

Megjithatë, ka një lajm të mirë: Kanceri i zorrës është forma më e parandalueshme e të gjitha llojeve të kancerit, prandaj, nëse vëreni një nga këto simptoma (sidomos nëse keni një histori familjare me këtë sëmundje), lini një takim me mjekun, menjëherë.

Nëse mjeku do të dyshojë për ndonjë gjë, mund t’ju kërkojë të bëni kolonoskopinë ose eko të tjera për të kontrolluar më nga afër se ku qëndron problemi. Shpesh kanceri i zorrëve për një kohë të gjatë nuk shkakton simptoma.

Lexoni po ashtu: Shenjat treguese që trupi po vuan nga nivelet e larta të acidit
Kancerin e zorrëve mund ta sinjalizojnë shqetësimet në vijim:

Njolla gjaku në fekale (ngjyrim i errët i feçeve)

Ndryshimi i shprehive të “daljes jashtë”, p.sh. alternime të barkqitjes dhe kapsllëkut

Dhimbjet e reja, të papritura, të barkut

Jashtëqitja është e hollë sa një laps./Arbresh.info