Kafeina ka potencialin për të rritur një enzimë në tru që mbron nga demenca, zbuloi një studim i ri amerikan.

Studimi i ri, i botuar në Scientific Reports, zbuloi se kafeina është një nga 24 përbërësit që mund të vonojë dhe mbrojë kundër demencës, e cila prek miliona njerëz në mbarë botën çdo vit, transmeton portal arbresh.info

Efekti mbrojtës i enzimës, i njohur si NMNAT2, u zbulua në vitin 2021 përmes kryerjes së kërkimit në IU Bloomington. Kjo enzimë i reziston demencës dhe sëmundjeve të tjera degjenerative të trurit si Alzheimer dhe ALS.

“Kjo punë mund të ndihmojë në avancimin e përpjekjeve për të zhvilluar ilaçe që rrisin nivelet e kësaj enzime në tru, duke krijuar një ‘bllokadë’ kimike kundër efekteve dobësuese të çrregullimeve neurodegjenerative”, tha autori i studimit Hui-Chen Lu.

Një nga përbërësit e tjerë që u ekzaminuan në studim përfshinte Rolipram, i cili u konsiderua për përdorimin e një antidepresivi në mesin e viteve 1990 nga studiuesit mjekësorë.

Megjithatë, shkencëtarët gjetën se ndikimi i kafeinës në sëmundjen degjenerative ishte potencialisht më i forti.

“Rritja e njohurive tona rreth rrugëve në tru që duket se shkaktojnë natyrshëm rënien e kësaj proteine të nevojshme është po aq e rëndësishme sa identifikimi i komponimeve që mund të luajnë një rol në trajtimin e ardhshëm të këtyre çrregullimeve mendore dobësuese,” vuri në dukje Lu.

Studimi është kryer te minjtë, tek të cilët injektimi me kafeinë ktheu në nivel normal enzimën.

Incidenca e demencës po rritet në mënyrë dramatike në të gjithë botën dhe Alzheimer është bërë forma më e zakonshme e sëmundjes, duke përbërë rreth 0 deri në 60 për qind të të gjitha rasteve të demencës.

Shkencëtarët paralajmërojnë se deri në vitin 2050, rastet me demenca pritet të trefishohen./arbresh.info/