Sezona e gripit është në rrugë e sipër.

Njerëzit që kanë probleme me presionin e lartë të gjakut, mund të shfaqin shqetësime për ndërlikime fatale si sulmi në zemër dhe goditja në tru.

Megjithatë, një studim i ri gjeti se disa ilaçe të presionit të gjakut mund të kenë efekt pozitiv.

Studimi i kryer në Danimarkë thonë se frenuesit e ACE-së dhe bllokuesit e receptorëve të angiotenzinës II mund të mbrojnë trupin nga ndërlikimet serioze nga gripi, transmeton portal arbresh.info

Ekipi danez zbulon se këto ilaçe, të cilat zakonisht përshkruhen për të ulur presionin e gjakut, gjithashtu ulin shkallën e vdekjes në mesin e pacientëve të shtruar në spital për grip dhe pneumoni. Studimi shqyrtoi më shumë se 500,000 pacientë danezë të pranuar në spitale në të gjithë Danimarkën midis 2005 dhe 2018.

“Pak më shumë se 100,000 pacientë të pranuar morën frenues të ACE ose bllokues të receptorëve të angiotensinës II dhe studimi tregon se më pak prej tyre u vunë në ventilator dhe se kishin nivele më të ulëta të vdekshmërisë sesa pacientët e shtruar në spital që morën një lloj tjetër ilaçesh kundër presionin e gjakut, bllokues të kalciumit ”, thotë Christian Fynbo Christianisen i Spitalit Universitar Aarhus në një njoftim për media.

Studiuesit thonë se këto ilaçe zgjerojnë enët e gjakut për të ulur presionin dhe ndihmojnë zemrën të funksionojë dhe të pompojë gjak lehtë.

Autorët e studimit kanë theksuar se edhe pacientët e prekur nga koronavirusi dhe që kishin probleme me tensionin e gjakut kanë përdorur dhe që kanë përdorur medikamentet e tensionit të gjakut, e kanë kaluar më lehtë Covid-19.

Megjithatë, ata ende nuk kanë bërë një studim të hollësishëm mes ilaçeve të presionit të gjakut dhe koronavirusit.

Studimi është botuar në Journal of the American Heart Association./arbresh.info/