Hetem Ramadani ka pak muaj prej se është bërë sensacion në shqiptari, pasi që ka arritur të shërojë pacientë të sëmurë me diabet, kancer, sëmundje të zemrës, etj. vetëm përmes ushqimit të shëndetshëm.

Por, për shkak të suksesit që kishin pasur rastet e tij, numri i kërkesave për të caktuar termine ishte rritur me një ritëm jashtëzakonisht të shpejtë, ku kishte filluar të pranonte qindra thirrje brenda dite.

Përveç kësaj, Hetem Ramadani gjatë tërë ditës e natës pranon thirrje nga pacientët të cilëve ua ka dhënë recepturën e tij për t’u konsultuar me ta.

Kjo padyshim se është duke ia pamundësuar atij konsultimin me pacientë të rinj, prandaj edhe ka vendosur që t’i anulojë të gjitha terminet e caktuara pas datës 9 korrik.

Përmes një njoftimi në llogarinë e tij në Facebook, ai ka paralajmëruar se ky vendim është i përkohshëm sepse është duke menduar për një zgjidhje se si t’i menaxhojë dhe trajtojë të gjitha rastet pa pasur nevojë të presin pacientët me muaj të tërë.

https://www.facebook.com/hetem.ramadani.98/posts/1059822824175742