Google ADS

Gratë mund të shtyjnë menopauzën

01:19 | 8 Gusht 2019
Trina Galanxhi

Tashmë gratë mund të vonojnë menopauzën deri në 20 vite. Edhe pse më herët dukej e pabesueshme duket se përparimi i mjekësisë dhe  teknologjisë, do të ndikojë pozitivisht në jetën e shumë grave.

Procedura mjekësore që vonon menopauzën, e para e këtij lloji në botë, kryhet përmes ndërhyrjes kirurgjikale dhe zgjat më pak se 30 minuta, dhe prej saj mund të përfitojnë gratë deri në moshën 40-vjeçare.

Operacionet kryhen në Birmingham, në Britani të Madhe dhe deri më tani janë shënuar 9 raste, të cilat sipas ekspertëve kanë rezultuar të suksesshme.

Sunday Times raporton se procedura mjekësore ngrin indet nga vezoret duke ndikuar në orën e tyre biologjike. Përfitimet shëndetësore janë të mëdha, pasi menopauza shkakton probleme serioze në shëndet, sikurse janë osteoporoza dhe sëmundjet e zemrës.

Po kështu, evitohen edhe djersitjet gjatë natës, problemet me kujtesën, ndryshimet e humorit dhe ankthi, të gjitha këto efekte anësore që shkaktohen nga menopauza./Opinion.al

Shpërndaje në rrjete sociale

Lajmet më të lexuara

Të ngjashme

Foto lajm