Google ADS

Femrat që kanë orar të gjatë të punës rrezikohen nga diabeti

23:31 | 24 Shkurt 2020
Trina Galanxhi

Studime të shumta veçse kanë dëshmuar se të punuarit për më gjatë se 39 orë në javë është gjë e pashëndetshme për gjithsecilin.

Por një studim i ri tregon se orari i gjatë i punës është më i dëmshëm posaçërisht për gratë, përcjellë Klan Kosova.

Në fakt, femrat të cilat punojnë mbi 45 orë në javë janë deri në 63% më të prira ta zhvillojnë diabetin sesa ato të cilat punojnë mes 35 dhe 40 orë në javë.

Të paktën kështu e thotë një studim i ri, i cili është publikuar në revistën ‘BMJ Open Diabetes Research & Care’.

Për plot 12 vjet, hulumtuesit kishin monitoruar 7,065 punëtorë (3,502 prej tyre femra dhe 3,563 meshkuj) në Kanadë, të cilët nuk kishin pasur diagnozë të mëhershme të diabetit.

Ndonëse nuk ishte gjetur ndonjë lidhje mes zhvillimit të diabetit dhe orëve të gjata të punës për meshkujt, studimi ka zbuluar se shkaku i orarit të gjatë të punës, te femrat rritet në mënyrë drastike rreziku për diabet.

 

Shpërndaje në rrjete sociale

Lajmet më të lexuara

Të ngjashme

Foto lajm