Në vitin 2020, gjatë shpërthimit të pandemisë së koronavirusit, të ardhurat mesatare të punësimit në Bashkimin Europian janë ulur me 7 përqind në krahasim  me vitin 2019.

Megjithatë, të ardhurat mesatare të disponueshme të familjes, si dhe at- shkalla e rrezikut të varfërisë mbeti e qëndrueshme, disa vende të BE-së shfaqin tendenca të ndryshme, shkruan Eurostat, transmeton portal arbresh.info

Ky informacion vjen nga vlerësimet e hershme mbi pabarazinë e të ardhurave në vitin 2020.

Humbjet në të ardhurat nga punësimi ishin kryesisht për shkak të rritjes së paparë të numrit të punëtorëve që mungonin nga puna ose orari i reduktuar i punës.

Megjithatë, transferimet dhe taksat e zakonshme të qeverive, si dhe politikat e përkohshme ndihmuan për të kompensuar humbjen e të ardhurave gjatë krizës së koronavirusit, ishin të disponueshme për familjet.

Këto skema të përkohshme luajtën një rol të rëndësishëm në stabilizimin e pagave dhe të ardhurave të familjeve, veçanërisht për ata me të ardhura më të ulëta.

Edhe pse njerëzit me të ardhura të ulta u prekën më shumë nga kriza e koronavirusit, këto skema ndihmuan për të kompensuar humbjet e tyre.

Në nivelin e BE-së, të ardhurat e disponueshme të familjeve si dhe niveli i rrezikut të varfërisë mbetën të qëndrueshme në vitin 2020, megjithatë situata ndryshonte në të gjithë shtetet anëtare të BE-së.

Krahasuar me vitin 2019, disa shtete të BE-së shfaqin rrezik të lartë të varfërisë për shkak të shkallës së ulët të papunësisë si pasojë e koronavirusit.

Vendet që shfaqin rrezikshmëri më të lartë janë Portugalia, Greqia, Spanja, Italia, Irlanda, Sllovenia, Bullgaria, Austria dhe Suedia.

Në gjysmën e vendeve anëtare të BE-së, niveli i rrezikut të varfërisë mbeti i qëndrueshëm gjatë vitit 2020, ndërsa rënie është shënuar vetëm në Estoni.

Përkundër fushatës së vaksinimit dhe një numri të lartë të të vaksinuarve, shumë vende në Bashkimin Europian janë duke u përballur me valën e katërt të pandemisë së koronavirusit për shkak të variantit Delta./arbresh.info/