71 vjeçari përjeton tmerrin pasi konsumoi sushi

22:26 | 28 Gusht 2018
Trina Galanxhi

Një burrë i moshuar ka paguar me çmim të lartë kënaqësinë e të konsumuarit sushi, pasi ushqimi i tij i preferuar i shkaktoi infeksion.

Për shkak të infeksionit, ai e ka humbur dorën dhe parakrahun, transmeton portali arbresh.info

12 orë pasi kishte konsumuar peshk, ai përjetoi një infeksion të tmerrshëm në dorë , që u bë sa një top i golfit dhe që i dha dhimbje të tmerrshme.

Burri nga Koreja Jugore i ka përjetuar këto dhimbje si pasojë e një infeksioni bakterial që zakonisht bie për shkak të ushqimeve të detit që konsumohen të papërpunuara.

Mjekët përpara se të kryenin operacionin e vështirë, janë përpjekur që të shërojnë atë me antibiotikë. Megjithatë s’ka pasur sukses.

Gjendja e tij është përkeqësuar edhe për shkak të sëmundjes së diabetit, presionit të lartë të gjakut dhe sëmundjes së veshkave.

Studime të shumta theksojnë se njerëzit që vuajnë nga sëmundjet e veshkave kanë gjasa të mëdha të preken nga infeksionet./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm