Zhbogar: Përgjegjësia për suksesin e procesit ju takon të gjithëve

15:29 | 6 Dhjetor 2018
arbresh.info

Kryetari i Bashkimit Demokratik për Integrim, Ali Ahmeti, ka pritur në takim pune ambasadorin e Bashkimit Evropian në Maqedoni, Samuel Zhbogar.

Ahmeti dhe Ambasadori Zhbogar folën për procesin e ndryshimeve kushtetuese, reformat sistemore dhe në përgjithësi rreth situatës politike në vend.

Kryetari Ahmeti theksoi para ambasadorit Zhbogar shqestësimet e veta për frymat penguese ndaj suksesit të Marrëveshjes së Prespës dhe ndryshimeve kushtetuese.

“Këto momente vendimtare për vendin dhe rajonin kërkojnë përkushtimin e të gjithëve, institucioneve, partive politike, shoqërisë civile, mediave dhe të tjerë. Ky proces është i papërsëritshëm dhe është i rëndësisë absolute për sigurimin e rrugës tonë EuroAtlantike,” citohet të ketë thënë Ahmeti në takim.

Ahmeti theksoi përgjegjësinë e çdo institucioni në vend dhe të çdo individi për të siguruar suksesin e procesit.

Bashkëbiseduesit diskutuan edhe rreth reformave sistemore dhe pajtimit si procese të ndërlidhura./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm