Zgjedhjet në Maqedoninë e Veriut, votat e shqiptarëve pritet të përcaktojnë fituesin

18:59 | 23 Prill 2024
KRG

Qytetarët e Maqedonisë së Veriut do të jenë përballë kutisë së votimit për raundin e parë të zgjedhjeve presidenciale në 24 Prill.

Janë 7 kandidatë që garojnë për këto zgjedhje për postin e presidentit. Dy kandidatët kryesorë, sipas sondazheve janë, presidenti aktual, Stevo Pendarovski, i cili kërkon një mandate të dytë 5-vjeçar me mbështetjen e socialdemokratëve dhe Gordana Davkova, e cila mbështetet nga qendra e djathtë e VMRO-DPMNE.

Nga kandidatët shqiptar ata që garojnë janë Ministri aktual i Jashtëm Bujar Osmani nga Bashkimi Demokratik i Shqiptarëve, i cili është pjesë e koalicionit qeverisës, dhe Arben Taravari nga koalicioni ‘VLEN’.

Kandidatët shqiptar gjatë fushatës i kanë mëshuar faktit të ndikimit rus në Maqedoninë e Veriut. Raundi i dytë i zgjedhjeve presidenciale, mes dy kandidatëve që do të fitojnë më shumë vota, do të zhvillohet dy javë më vonë, përkatësisht më 8 maj kur do të mbahen dhe zgjedhjet parlamentare./A2CNN

Shpërndaje në rrjete sociale

Lajmet më të lexuara

Të ngjashme

Foto lajm