Një ditë përpara zgjedhjeve të përgjithshme të 4 marsit, në Itali ka nisur heshtja zgjedhore. Partitë zhvilluan tubimet e fundit të fushatës me premtime të mëdha, siç është rritja e pensioneve, të cilat mund të mos mbijetojnë dot nëse krijohet një qeveri koalicioni.
Një të përbashkët megjithatë, mitingjet përmbyllëse e kishin që të gjitha: deklaratën se presin të fitojnë. Sondazhet e opinionit tregojnë se Aleanca e Qendrës së Djathtë, e Silvio Berlusconit, do të shfaqet si blloku më i madh i një parlamenti, ku mund të mungojë një shumicë e qartë.
Vetë kavalieri nuk mban dot një post publik që prej dënimit vite më parë për evazion fiskal, por njeriu që e ka mbajtur katër herë postin e kryeministrit të Italisë, mbështeti kandidaturën e ish zëdhënësit dhe besnikut të vet, presidentit aktual të Parlamentit Europian, Antonio Tajani, për kreun e ekzekutivit.
Anketimet zyrtare janë ndaluar në dy javët e fundit përpara votimeve, por pritshmëritë janë që Lëvizja ‘5 yjet’ të dalë nga këto zgjedhje si partia e vetme më e madhe. Italia drejtohet nga një qeveri e përkohshme që prej dhjetorit 2016, kur kryeministri Matteo Renzi dha dorëheqjen në vazhdën e vlerësimit të qeverisjes së tij me referendumin mbi reformimin e mënyrës si funksionojnë dhomat e parlamentit.
Qendrat e votimit do të jenë hapur të dielën nga ora 07:00 deri në 23:00, ndërsa Exit poll-et e para priten shumë shpejt pas mbylljes së tyre./TCH/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...