Kryehetuesi i aksidenteve të aviacionit në Agjencinë Kroate për Hetimin e Aksidenteve, Danko Petrin, tha se ende nuk dihet se çfarë lloji i Dronit ra në Zagreb.
Por, thotë ai, nëse supozimet janë të sakta se bëhet fjalë për një dron zbulues Tu-141, atëherë është e qartë edhe pse kishte parashuta në pemë, shkruan lajmi.net.
“Është një dron që ngrihet me një lëshues. Mund të ulet vetëm duke përdorur një parashutë. Dronët e sotëm janë modernë dhe gjithmonë në kontakt me bazën. Por ky është një model i vjetëruar që është krijuar në Bashkimin Sovjetik në vitin 1970”, tha Petrin.
“Ka pasur raste që ky lloj avioni mund të dilte jashtë kontrollit. Supozoj se kështu është edhe këtu, sepse avionë të tillë nuk janë raketa që dërgohen si armë, por qëllimi i tyre është të kthehen në bazë për të dorëzuar të dhënat e mbledhura. Në fund të fundit, është e paqartë se çfarë saktësisht mund të regjistronte ajo gjatë natës. Është e qartë se ka qenë një gabim në programimin e fluturimit ose se avioni ka dalë jashtë kontrollit, por kjo ende nuk është përcaktuar nga hetimi”, thotë tutje ai.
“Droni po binte vertikalisht, plot peshë. Nëse do të përplasej me një pallat, me siguri do të çante të paktën disa kate, nëse jo deri në bodrum. Mund të thuhet se kemi shpëtuar mirë”, tha ai.
LEXO MË SHUMË;
Zagreb| Në vendin ku ra fluturakja shihet edhe parashuta e varur në pemë
Fluturakja që u rrëzua në Zagreb| Eksperti amerikan i aviacionit ushtarak jep detaje
Kurti: Rusia dhe Serbia, vende që orientohen nga ideologjia ...
Prokuroria zbulon ‘paktin’ mes ultrasve të Milanit dhe Inter...
1 mijë euro bursa, Nagavci nënshkruan vendimin për ekzekutim...
Krasniqi: Fuqizimi i grave në vendimmarrje të jetë prioritet...
Me ftesë të Blinkenit, Gërvalla merr pjesë në takimin për lu...
Nuk ka mbaruar ende vera për Taynen, shfaqet e veshur me bik...